प्रधानमन्त्री दाहाललाई विश्वासको मत
पोखरा भ्यूज
६ चैत्र, काठमाडौँ । सत्ता गठबन्धनमा हेरफेर भएपछि प्रधानमन्त्री पुष्पकमल दाहाल प्रचण्डले प्रतिनिधिसभाबाट सोमबार दोस्रो पटक विश्वासको मत पाएका छन् । यसअघि चुनावी गठबन्धन त्यागेर एमालेको समर्थनमा प्रधानमन्त्री बनेका दाहालले तीन महिनाको बीचमा प्रतिनिधिसभामा दोस्रोपटक विश्वासको मत लिएका हुन् ।
उनलाई १७२ सांसदले विश्वासको मत दिएका छन् । सोमबारको बैठकमा उपस्थित २६२ सांसदमध्ये दाहाललाई विपक्षमा ८९ सांसदले मत दिए । त्यस्तै नेमकिपा मत दिन्नु भन्ने पक्षमा उभियो । माओवादी अध्यक्षसमेत रहेका प्रधानमन्त्री दाहाललाई यस पटक कांग्रेस, राष्ट्रिय स्वतन्त्र पार्टी, जनता समाजवादी पार्टी, नेकपा एस, जनमत पार्टी, लोकतान्त्रिक समाजवादी पार्टी, नागरिक उन्मुक्ति पार्टी, ३ जना स्वतन्त्र सांसद र राष्ट्रिय जनमोर्चाले विश्वासको मत दिएका हुन् ।
यस पटक एमाले र राप्रपाले प्रधानमन्त्री दाहालको विपक्षमा मतदान गरे भने एक सांसद रहेको नेपाल मजदुर किसान पार्टी तटस्थ रह्यो ।पुस ११ मा शपथ लिएका दाहालले यसअघि पुस २६ मा विश्वासको मत लिएका थिए ।
सम्बन्धित खवर
