कोशीमा मन्त्रिपरिषद विस्तार, माओवादी र एकीकृत समाजवादीबाट एक/एक मन्त्री थपिए
पोखरा भ्यूज
१७ कात्तिक, विराटनगर । एमालेको समर्थनमा नेपाली काँग्रेसका नेता केदार कार्की नेतृत्वको बनेको कोशी प्रदेश सरकारमा नेकपा माओवादी केन्द्र र एकीकृत समाजवादी पार्टी सहभागी भएका छन् ।
लामो रस्साकसीपछि माओवादी केन्द्र र एकीकृत समाजवादी सरकारमा सामेल भएको हो । यद्यपि एमाले संसदीय दलका नेता समेत रहेको पूर्वमुख्यमन्त्री हिक्मत बहादुर कार्कीले माओवादी केन्द्र र एकीकृत समाजवादीलाई समेटेर मन्त्रीमण्डल विस्तार नगर्न चेतावनी दिंदै आएका थिए ।
शुक्रबार साँझ भएएको मन्त्रीमण्डलमा विस्तारमा मुख्यमन्त्री कार्कीले माओवादी केन्द्रबाट गणेश उप्रेती र एकीकृत समाजवादी पार्टीबाट कमलप्रसाद जवेगूलाई मन्त्री नियुक्त गरेका हुन् ।
यद्यपि उनीहरुको मन्त्रालय तोकिएको छैन । नवनियुक्त दुवै मन्त्रीलाई प्रदेश प्रमुख परशुराम खापुङले आज शुक्रबार नै पद तथा गोपनियताको शपथ गराएका छन् ।
नेकपा एमालेको समर्थनमा काँग्रेसका ८ सांसदसहित विद्रोह गरेर संविधानको धारा १६८ को ५ अनुसार २७ भदौमा मुख्यमन्त्री बनेका कार्कीले २८ भदौमा कांग्रेस विद्रोही पक्षबाट समशेर राई र एमालेबाट राम रानालाई विना विभागीय मन्त्री नियुक्त गरेका थिए ।
सम्बन्धित खवर
