नेपाल बितरक महासंघद्वारा भूकम्प प्रभावित क्षेत्रमा राहत वितरण
पोखरा भ्यूज
पोखरा । नेपाल बितरक महासंघले भूकम्पमा परेका पीडित परिवारका लागि राहत सामग्री वितरण गरेको छ । महासंघको अगुवाईमा जिल्ला संघहरुको उत्साहजनक साथ समर्थनले करिव १५ लाख बराबरको राहतसामग्री वितरण गरिएको महासंघका अध्यक्ष हरिराज पन्तले जानकारी दिए ।
अध्यक्ष पन्तका अनुसार भूकम्प जादाँको भोली पल्ट नै महासंघले आवाहन गरे पश्चात स्वतः स्फूर्त रूपमा संकलित राहत सामग्री भूकम्पपीडित परिवारलाई संघले वितरण गरेको हो ।
नेपाल बितरक संघ सूर्खेतको अगुवाईमा कुसे गाउपालिका अन्तर्गत टालेगाउँ, अर्थानी, धिमे र पैकमा चार सय घरधुरीलाई राहत सामाग्री वितरण गरिएको नेपाल बितरक महासङका केन्द्रीय सदस्य मदन राज न्यौपानेले जानकारी दिए । जिल्ला प्रशासन कार्यलय जाजरकोटसँगको सहकार्य तथा स्थानीय सरकारको रोहवरमा अत्यावश्यक खाध्य सामग्री वितरण गरिएको न्यौपानेले बताए ।
जाजरकोट जिल्लाको रामीडाँडा केन्द्रबिन्दु भएर १७ गते शुक्रबार राति ११:४७ मा गएको ६.४ म्याग्निच्युडको भूकम्पका कारण जाजरकोट र रुकुम पश्चिमलगायतका क्षेत्रमा ठूलो संख्यामा मानवीय क्षति, भौतिक क्षति र सयौँ घाइते भएका छन्।
सम्बन्धित खवर
