कास्की काँग्रेस सभापतिमा पुन: मतदान हुने, वराल र भट्टराई भिड्ने
पोखरा भ्यूज
पोखरा । नेपाली कांग्रेसको १४ औं महाधिवेशन अन्तर्गत शुक्रवार भएको कास्की ज़िल्ला अधिवेशनमा कुनै पनि सभापतिका उमेदवारले ५१ प्रतिशत मत प्राप्त गर्न नसकेपछि पुनः मतदान हुने भएको छ ।
पाँच जना उमेद्वारको प्रतिस्पर्धा रहेको पहिलो राउन्डबाट ३ सभापतिका उमेद्वारहरु क्रमशः आइबहादुर गुरूङ, पोषनाथ शर्मा र गिरिराज गौतम रिङआउट भएका छन् । शनिबार हुने निर्वाचनमा पहिलो भएका किशोरदत्त वराल र दोस्रो भएका सुदिपमोहन भट्टराईबीच प्रतिस्पर्धा हुनेछ ।
शुक्रवार बेलुका ७.३५ देख़ि आरम्भ भएको मतगणनामा बरालको पक्षमा ६ सय ४४ र भट्टराईको पक्षमा ४ सय ७२ मत परेको थियो । त्यस्तै पहिलो राउन्डबाट रिङआउट भएका आइबहादुर गुरूङको पक्षमा ४६२, पोषनाथ शर्माको पक्षमा ३३५ र गिरीराज गौतमको पक्षमा ६३ मत परेको थियो ।
पार्टी विधानले सभापति हुने उमेद्वारले ५० प्रतिशतभन्दा बढी मत ल्याउनुपर्ने वाध्यतात्मक व्यवस्था गरेको छ । विधान बोजिमको मत प्राप्त गर्न नसकेमा पुनः पहिलो र दोस्रो हुने उमेद्वारबीच चुनाव गराउनुपर्ने व्यवस्था बमोजिम शनिबार पुनः वराल र भट्टराईबीच चुनाव गरिन लागिएको हो ।
जिल्ला अधिवेशनको निर्वाचनमा नेपाली काँग्रेसका २ हजार ८८ जना प्रतिनिधिमध्ये २ हज़ार २३ जनाले मतदान गरेका थिए ।अन्य पदाधिकारीको मत गणना शनिवार हुने दुई सभापतिको मतदान पश्चात सुरु हुने निर्वाचन समितिका संयोजक आरसी बिमलले बताए ।
सम्बन्धित खवर
