मारुती सुजुकी सेलेरियो नयाँ भेरियन्टका साथ पोखरा बजारमा
पोखरा भ्यूज । नेपालको सबै भन्दा ईन्धन किफ़ायति पारिवारिक कार सुज़ुकी सेलेरियो कार नयाँ स्वरूपमा पोखरामा सार्वजनिक भएको छ ।
नेपालका लागि सुजुकी चार प्रांग्रे साधनको आधिकारिक वितरक सिजी होल्डिंगको अटोमोटिभ डिभिजन सीजी मोटोकपका आधिकारिक विक्रेता बतास ब्रदर्स प्रालि पोखराले मंगलवार सार्वजनिक गरेको छ । बतास ब्रदर्स पोखराका प्रमुख संचालक अधिकृत राजेश रानाभाट र मानव संसाधन प्रमुख विश्वमणि भण्डारीले सबै भन्दा इन्धन किफ़ायति मारुती सुजुकी सेलेरियो कारको एक समारोहका विच सार्वजनिक गरेका हुन ।
सर्वाधिक माईलेज दिने सो गाडी कम संचालन खर्चले उपभोक्तालाई राहत मिल्ने कम्पनीको विश्वास रहेको प्रमुख संचालक अधिकृत रानाभाटले बताए । निकै आकर्षक लुक्समा सार्वजनिक गरिएको सेलेरियोमा आइडल स्टार्ट–स्टप फिचर थप गरिएको छ भने यसले २६.६८ किलोमिटर प्रति लिटरको उच्च माइलेज प्रदानगर्ने कम्पनीको दावी छ । नयाँ सेलेरियो पहिलेभन्दा धेरै पावरफुल हुने कम्पनीले जनाएको छ ।
विगत २५ बर्ष अघिदेख़ि पोखरा बजारमा ल्याईएको सुज़ुकी ब्राण्डको सर्वसुलभ स्पेयर पार्ट्स पाई राखेको धेरैले मन पराईएको ब्राण्डमा थप नयाँ ब्राण्डले सबैको मन जित्ने रानाभाट बताउछन ।
नयाँ जेनेरेशन सेलेरियोमा नयाँ थ्रीडी अर्गानिक स्क्ल्प्टेड डिज़ाईन, फसर्ट–इन–सेगमेन्ट सुरक्षा सहित अन्य सुविधाहरू भएको कम्पनीले जनाएको छ ।
तीन भेरियन्टमा नेपाली बजारमा भित्रिएको भिएक्सआई भेरियन्टको मूल्य २७ लाख ९९ हजार, जेडएक्सआई भेरियन्टको मूल्य २९ लाख ९९ हजार र जेडएक्सआई प्लस भेरियन्टको मूल्य ३१ लाख ९९ हजार रुपैयाँ तोकेकोछ । सो कार ६ रङ सिल्की सिल्भर, सोलिड फायर रेड, आर्कटिक ह्वाइट, क्याफिन ब्राउन, ग्लिस्टेनिङ ग्रे र स्पीडीब्लूमा उपलब्ध रहेको मानव संसाधन प्रमुख विश्वमणि भण्डारीले जानकारी दिए ।
सम्बन्धित खवर
