PokharaViews

पोखरा । नेकपा (एमाले) अन्नपूर्ण गाउँपालिकाको दोस्रो अधिवेशनले चुडामणी अधिकारीलाई अध्यक्षमा निर्वाचित गरेको छ । उनि ६८ मत सहित विजयी भएका हुन् । अधिकारीका प्रतिस्पर्धी चन्द्र बहादुर गुरूङले ६२ मत प्राप्त गरेका छन् ।

पदाधिकारीमा पनि अधिकारी कै टिम बिजयी भएको छ ।

त्यस्तै उपाध्यक्षमा एकदेव देवकोटा बिजयी बने । देवकोटाको ७८ मत आउँदा सञ्जय पौडेलले ५३ मत प्राप्त गरेका छन । सचिवमा अन्नपूर्ण ११ का मिकास गुरुङ निर्विरोध भए ।

उपसचिवतर्फ समावेशीमा पुष्पा पुनले ८१ ल्याउदा खिमा भण्डारीले ४८ तथा खुलातर्फ हेमराज अधिकारीले ६६ र रामप्रसाद ढुंगानाले ६२ मत प्राप्त गरी पुन र अधिकारी विजयी भएका छन् । दलित, उत्पीड़ित महिला खुला पदमा पबित्रा सुनार बिजयी भएकी छन् ।लेखा कमिटी अध्यक्ष शिबहरी सुबेदी ८५ मत प्राप्त गरी निर्वाचित हुदाँ प्रतिस्पर्धी चिरन्जीवी पौडेलले ४० प्राप्त गरेका थिए । खुल्ला ४ सदस्य सहित भूगोल (वडा) तर्फका ३३ सदस्य तथा युवातर्फका ७ जना सदस्य यस अघि नै निर्विरोध निर्वाचित भएका थिए ।