डल्फिनको अवार्ड सेरोमनी तथा ११औ स्थापना दिवस सम्पन्न
पोखरा । लायन्स क्लब अफ पोखरा डल्फिनको अवार्ड सेरोमनी तथा क्लवको ११औ स्थापना दिवस सम्पन्न भएको छ ।
श्रावण ९ गते बुधवार क्लबका अध्यक्ष गोविन्द खड़काको अध्यक्षतामा सम्पन्न कार्यक्रममा निवर्तमान डिष्ट्रिक्ट गभर्नर चन्द्रकुमार केसीको प्रमुख आतिथ्यता एवं पूर्व डिष्ट्रिक्ट गभर्नर राम बहादुर बसेलको बिशेष आतिथ्यतामा भएको थियो ।
कार्यक्रममा क्लवका संस्थापक अध्यक्ष राम बहादुर बल्कोटी लगायत पुर्व अध्यक्षहरु, क्लवका पदाधिकारी तथा लायनहरु उपस्थित कार्यक्रम भब्य रुपमा सम्पन्न गरिएको थियो ।
दुई चरणमा सम्पन्न कार्यक्रमको पहिलो सत्र सत्र अवार्ड सेरोमनी र दोस्रो सत्रमा चाटर्ड नाइट सेलेब्रेसन गरिएको थियो । पहिलो सत्रमा निवर्तमान अध्यक्ष रेवती भण्डारीले लायन बर्ष २०२३/२४ मा गरेका कामको विवरण प्रस्तुत गरी सहयोग गर्ने क्लबका सदस्यलाई अवार्ड प्रदान गरेका थिए । साथै, आफ्नो कार्यकालमा डाईमण्ड मेम्वर बनेका क्लबका सदस्यलाई प्रमुख अतिथि मार्फ़त प्रमाणपत्र प्रदान गरिएको कार्यक्रममा लायन अफ द एयर तत्कालीन कोषाध्यक्ष गणेश थापा घोषित भएका थिए ।
दोस्रो सत्रमा संस्थापक अध्यक्ष रामबहादुर बल्कोटीले केक काटेर चार्टर नाइटको सेलेब्रेसन शुभारम्भ गरेका थिए ।
क्लवका सचिव गणेश थापाको संचालनमा रहेको कार्यक्रममा प्रमुख अतिथि निवर्तमान डिष्ट्रिक्ट गभर्नर चन्द्रकुमार केसी, पूर्व डिष्ट्रिक्ट गभर्नर राम बहादुर बसेल, डिष्ट्रिक्ट क्याविनेट सेक्रेटरी अमृत प्रसाद तिवारी, क्लबका एक्सटेन्सन चेयरपर्सन बिन्दु श्रेष्ठ, क्लबका पूर्व अध्यक्ष सन्तबहादुर लामिछानेले, संस्थापक अध्यक्ष राम बहादुर बल्कोटी, सचिव गणेश थापालगाएतले बोलेका थिए ।
सम्बन्धित खवर
