वि आर घारीपाटनले ‘५ ए साईड’ खुला फुटसल प्रतियोगिता गर्ने
पोखरा । वि आर घारीपाटनको आयोजनामा पोखरामा ‘वि आर घारीपाटन ५ ए साईड खुला फुटसल प्रतियोगिता–२०८१’ हुने भएको छ ।
आउँदो चैत्र ३ र ४ गते आयोजना हुने प्रतियोगिता पैयुम् स्पोर्ट्स सेन्टर पोखरा–१०, रामघाटमा सञ्चालन हुनेछन् । प्रतियोगितामा ३० भन्दा बढी टिमहरुले सहभागिता जनाउने अपेक्षा गरिएको प्रतियोगिताका संयोजक पूर्ण गुरूङले बताए ।
फागुन २९ गतेसम्म टिम दर्ताको समयसीमा रहँदा सहभागी शुल्क ६ हजार ५ तोकिएको छ । खुल्ला प्रतियोगिता भएकोले सबै खेलाडी र टिमले सहभागिता जनाउन सकिने संयोजक गुरूङले जनाए ।
प्रतियोगिताको विजेताले नगद १ लाख १ हजार १ सय ११ र उपविजेताले ५५ हजार ५ सय ५५ रूपैयासहित शिल्ड, मेडल र प्रमाण–पत्र प्राप्त गर्नेछन् । उत्कृष्ट खेलाडी र उच्च गोलकर्ता र बेस्ट गोलकिपरले समान ५ हजार ५ सय ५५सहित शिल्ड, मेडल र प्रमाण–पत्र प्राप्त गर्नेछन् ।
पछिल्लो समय फुटसलमा बढ्दो आकर्षणसँगै यो खेलको विकासमा केहि सहयोग होस् र खेलाडीको क्षमता अभिवृद्धिमा सहयोग पुगोस् भनेर यो प्रतियोगिता आयोजना गर्न लागिएको संयोजक गुरूङले बताए ।
यस प्रतियोगिताले खेलकुद र फुटसल क्षेत्रमा योगदान पुर्याउनुका साथै नयाँ खेलाडीहरुको प्रतिभा पहिचानमा महत्वपूर्ण भूमिका खेल्ने सह–संयोजक मनोज गुरूङ (ख़ुशीमान)ले जनाए ।
नकआउट फर्म्याटमा चल्ने प्रतियोगिताका हरेक खेल पहिलो र दोस्रो हाफ १०–१० मिनेटको रहनेछन् । पोखरा महानगरपालिका वडा नं. ७ को विशेष सहयोगमा सम्पन्न हुने प्रतियोगिताको मुख्य प्रायोजकमा लर्न टु फ़्लाई कन्सलटेन्सि, न्यूरोड पोखरा रहेको छ ।
सम्बन्धित खवर
