नेपाल टेलिकमको “न्यू इयर अफर” सार्वजनिक
काठमाडौँ। नयाँ वर्ष २०८३ को अवसरमा नेपाल टेलिकमले आफ्ना प्रिपेड तथा पोस्टपेड ग्राहकका लागि ‘नयाँ वर्ष अफर २०८३’ सार्वजनिक गरेको छ। कम्पनीले बढ्दो इन्टरनेट प्रयोगलाई ध्यानमा राख्दै सस्तो दरमा उच्च डेटा सुविधा उपलब्ध गराउने दुई विशेष प्याकेज ल्याएको जनाएको छ।
टेलिकमका अनुसार ‘न्यु इयर लाइट’ र ‘न्यु इयर प्रिमियम’ नामका दुई प्याकेजमार्फत ग्राहकले दैनिक उच्च गतिको डेटा र त्यसपछि पनि अनलिमिटेड इन्टरनेट सेवा उपयोग गर्न सक्नेछन्।
‘न्यु इयर लाइट’ प्याकेज रु. ४९९ (करसहित) मा उपलब्ध हुनेछ, जसमा दैनिक ५ जीबी हाई-स्पीड डेटा पाइनेछ। दैनिक सीमा समाप्त भएपछि २ एमबीपीएस गतिमा अनलिमिटेड इन्टरनेट प्रयोग गर्न सकिने कम्पनीले जनाएको छ।
त्यस्तै, ‘न्यु इयर प्रिमियम’ प्याकेज रु. ६९९ मा उपलब्ध हुनेछ। यसमा दैनिक १० जीबी हाई-स्पीड डेटा उपलब्ध हुनेछ भने सीमा सकिएपछि ३ एमबीपीएस गतिमा निरन्तर इन्टरनेट चलाउन सकिनेछ। दुवै प्याकेजको वैधता ३० दिन रहनेछ।
यो अफर २०८२ चैत ३० देखि २०८३ वैशाख २ गतेसम्म मात्र खरिद गर्न सकिनेछ। पोस्टपेड ग्राहकका लागि भने उक्त शुल्क मासिक रेन्टल चार्जमै समावेश हुने बताइएको छ।
ग्राहकले 141511# डायल गरी वा ‘Nepal Telecom’ मोबाइल एपमार्फत अफर सक्रिय गर्न सक्नेछन्। कम्पनीका अनुसार नयाँ वर्षमा डिजिटल माध्यमबाट शुभकामना आदानप्रदान तथा भिडियो स्ट्रिमिङलाई लक्षित गर्दै यो योजना ल्याइएको हो।
© कपीराईट–यस पोष्टमा प्रकाशित समाचार या लेख सर्वाधिकार सुरक्षीत छ । यहाँ प्रकाशित समाचार हुबहु कसैले
जानकारी विना साभार गरेको पाइएमा कानुनी कार्वाही गर्न बाध्य हुनेछौ ।
सम्बन्धित खवर
