पोखरा भ्यूज
१ माघ, काठमाडौं । पोखरामा दुर्घटनामा परेको यती एयरलाइन्सको ९एन एएनसी जहाज दुर्घटनाअघिसम्म टावरसँग सम्पर्कमै रहेको बताइएको । विमानस्थल स्रोतका अनुसार अन्तिम पटक १०ः५० मा सम्पर्कमा आएको थियो ।
काठमाडौंबाट १०ः३२ मा उडेको जहाज पोखरा टावरसँग १०ः५० मा सम्पर्कमा आएको त्रिभुवन अन्तर्राष्ट्रिय विमानस्थलस्थित खोज तथा उद्धार समन्वय केन्द्रले बताएको छ । जति बेला जहाज सेती खोंच भन्ने स्थानमा थियो ।
त्यसपछि जहाज दुर्घटनामा परेको हो । दुर्घटनाको कारण अझै खुलेको छैन । क्याप्टेन कमल केसी र अन्जु खतिवडाले उडाइरहेका यति एयरलाइन्सको एटिआर विमानका पाइलटहरुले विमानमा समस्या देखिएको बारे कुनै जानकारी नगराएको खुलेको छ ।
काठमाडौंबाट पोखरासम्मको उडान दूरी २५ मिनेटको हो । जहाजमा चालक दलका सदस्यसहित ७२ जना यात्रु थिए । केन्द्रका अनुसार पोखरामा उद्धारका लागि दुई वटा हेलिकोप्टर परिचालन गरिएको छ ।
