पोखरा भ्यूज
पोखरा, २८ भदौ । सेवा भावले भरिएको सामाजिक काममा सक्रिय लायन्स क्लव अफ पोखरा संवृद्धिले पोखरा–७, घारीपाटन, तिनकुने निवासी प्रेम परियारको परिवारलाई खाद्य सामग्री प्रदान गरेको छ । लायन्स डिष्ट्रिक्ट ३२५ के नेपाल अन्तर्गतको क्लब संवृद्धिले शारीरिक अपाङग्ता भएका प्रेम र उनका छोरा सूर्य परियारलाई विहिवार एक कार्यक्रमका विच खाद्य सहित घरायसी सामग्री प्रदान गरिएको क्लबका सदस्य एवं कार्यक्रम संयोजक उषा गुरूङले बताईन् ।
लायन्स अन्तर्राष्ट्रियको हंगर रिलिफ प्रोग्राम अन्तर्गत जहाँ आवश्यकता त्यहाँ लायन्स भन्ने भनाईलाई मनन् गरी खाध्यान उपलब्ध गराईएको क्लबका अध्यक्ष शान्ति श्रेष्ठको भनाई छ ।
क्लबका संस्थापक अध्यक्ष एवं डिष्ट्रिक्ट ३२५ के नेपालका कर्पोरेट पार्टनरशिप डिष्ट्रिक्ट चिफ कल्पना श्रेष्ठको प्रमुख आतिथ्यतामा सम्पन्न कार्यक्रममा क्लबका रिजन चेयरपर्सन बिष्णुप्रसाद चापागाईं, क्लबका पूर्व अध्यक्ष, क्लब पदाधिकारी एवं सदस्यहरूको उपस्थिति रहेको थियो ।
क्लबका अध्यक्ष शान्ती श्रेष्ठको अध्यक्षतामा सम्पन्न कार्यक्रम क्लबका सह–सचिव संगीता रेग्मी सुबेदीले संचालन गरेकी थिईन् ।
