प्रधानमन्त्री केपी शर्मा ओलीको निजी सचिवमा बिनोद बहादुर कुँवर नियुक्त
काठमाडौँ । प्रधानमन्त्री केपी शर्मा ओलीको ‘निजी सचिव’मा सहसचिव बिनोद बहादुर कुँवर नियुक्त भएकाछन् । स्वास्थ्य तथा जनसङ्ख्या मन्त्रालयमा कार्यरत सहसचिव कुँवरले आइतबार(भोली) देखि निजी सचिवकोजिम्मेवारी सम्हाल्ने प्रशासन सिंहदरवार विशेष स्रोतले जानकारी दिएको छ ।
यस अघिसमेत प्रधानमन्त्री ओलीको प्रशासन महाशाखा प्रमुख रही सकेका कुँवर लामो समय प्रदेश बसाई पनिकेही समयअघि मात्रै स्वास्थ्य मन्त्रालयको प्रशासन महाशाखा प्रमुखमा आएका थिए ।
को हुन् कुँवर
सहसचिव कुँवर इमान्दार छविका काम गर्ने कर्मचारीका रूपमा चिनिन्छन् । स्वास्थ्य मन्त्रालय आउनु अघिगण्डकी प्रदेशको सामाजिक विकास मन्त्रालय, लोक सेवा र मुख्यमन्त्री कार्यालय गरी करिब तीन वर्ष प्रदेशसचिव बसेका कुँवर त्यसअघि आन्तरिक राजश्व विभागको महानिर्देशक १४ महिना बसे । त्यसअघि दुई पटकगरी करिब तीन वर्ष प्रधानमन्त्री तथा मन्त्रिपरिषदको कार्यालयमा बिताएका कुँवर सहसचिव भएपछि दुई वर्षसंघीय लोक सेवा आयोगमा काम गरेका थिए ।
