प्रमुख निर्वाचन आयुक्त यादवको पदावधि सकियो, आयोग नेतृत्वबिहीन
काठमाडौं । प्रमुख निर्वाचन आयुक्त डा.अयोधीप्रसाद यादवको ६ वर्षे पदावधि सकिएको छ । यादव निर्वाचन आयोगबाट आइतबार विदा भएपछि आयोग नेतृत्वबिहीन हुन पुगेको हो ।
२०६३ सालमा आयुक्तका रूपमा आयोग प्रवेश गर्नुभएको यादव २०६९ को नियुक्तीमा पुनः त्यही भूमिकामा रहनुभएको थियो । तत्कालीन नेकपा माओवादीको सिफारिसमा आयुक्त बन्नुभएका यादव सोही पार्टीकै समर्थनमा प्रमुख आयुक्त हुनुभएको थियो । विदाइको क्रममा यादवले निर्वाचनका लागी आयोगलाई अधिकारप्राप्त बनाउनुपर्ने र निर्वाचनको मिति तोक्ने अधिकार पनि आयोगलाई दिने गरि व्यवस्था गर्नुपर्ने धारणा राख्नुु भएको थियो ।
यादवको विदाईसँगै आयोगको इतिहासमा १४औं प्रमुख आयुक्त आयोगभित्रबाटै आउने हो कि बाहिरबाट भन्ने विषय अहिले सबैको चासो बनेको छ ।
© कपीराईट–यस पोष्टमा प्रकाशित समाचार या लेख सर्वाधिकार सुरक्षीत छ । यहाँ प्रकाशित समाचार हुबहु कसैले
जानकारी विना साभार गरेको पाइएमा कानुनी कार्वाही गर्न बाध्य हुनेछौ ।
सम्बन्धित खवर
