पोखरा भ्यूज
भोर्लेटार, लमजुंग । लायन्स क्लब अफ पोखरा अन्जुलीले लमजुंगको मध्यनेपाल-६, भोर्लेटारस्थित स्वास्थ्य चौकीमा अत्यावश्क स्वास्थ्य सामाग्री हस्तान्तरण गरेको छ ।
क्लबको सहकार्यमा स्थानीय झलकमणि/प्रीयम्बदा सोतीका छोरा/छोरी डाक्टर सुबदा र इन्जिनियर सुयोग सोतीको आर्थिक सहयोगमा हस्तान्तरण गरिएका स्वास्थ्य सामग्रीहरू अटोक्लेभ मेसिन सहितको सर्जिकल ड्रम सेट १ थान, एएनसी चेक अप बेड १ थान, स्ट्रेक्चर २ थान, ईएनटी सेट १ थान, बिपी सेट २ थान, सल्टर स्केल २ थान, एडल्ट वइट मेसिन १ थान लगाएत रहेका क्लबका पूर्व अध्यक्ष एवं जोन चेयरपर्सन सान्तावना पराजुलीले जानकारी दिईन ।
शुक्रवार आयोजित एक कार्यक्रमका बीच क्लबका अध्यक्ष लगाएत पदाधिकारीहरूले मध्यनेपाल नगरपालिका वडा नं. ६ का वडा सदस्य केदार गुरूङ मार्फत भोर्लेटार स्वास्थ्य चौकीका स्वास्थ्य संयोजक सूर्य प्रसाद पौडेल र स्वास्थ्य चौकीका प्रमुख होम बहादुर गुरुङलाई संयुक्त रूपमा स्वास्थ्य सामग्री हस्तान्तरण गरिएको थियो ।
क्लबका अध्यक्ष मिना पौडेलको अध्यक्षतामा सम्पन्न कार्यक्रममा रिजन चेयरपर्सन भावना बसेल, क्लबका पूर्व अध्यक्ष लगाएतको उपस्थिति रहेको थियो ।
