पोखरा भ्यूज
लमजुंग । पोखरास्थित पाँच वटा लायन्स क्लबद्धारा नेपालीको मुख्य चाड दशैको मुखमा लमजुङ्गको चेपाङ्ग बस्तीमा खाद्यन्न तथा लत्ताकपडा वितरण गरिएको छ ।
लमजुंगको बेसीशहर–११, चिती तिलारस्थित चेपाङबस्तीमा डिष्ट्रिक्ट ३२५ आई नेपालको लायन्स बर्ष २०२४/२५ को मुख्य नारा मानवता पहिलो प्राथमिकता भन्ने मूल नारा अन्तर्गत ‘भोकलाई भोजन‘ कार्यक्रमलाई लक्षित गरी नेपालीहरूको मुख्य चाड दशैको सम्मुख पारी रिजन ६ जोन ११ र १२ का ५ वटा क्लबले उक्त सामग्री वितरण गरेको रिजन चेयरपर्सन सूर्य चपाईले बताए ।
लायन्स क्लब अफ पोखरा पिस सिटी, पोखरा बाराही, पोखरा राईजिङ सन, पोखरा न्यू भिजन र पोखरा सुपरभिजनले चिती तिलारस्थित १६ घर चेपाङ बस्ती र ४ घर सुकुम्बासीहरुका लागि करिब ५० हजार बराबरको खाद्यन्न र १ लाख बराबरको लत्ताकपडा वितरण गरेको जोन १२ का जोन चेयरपर्सन युवराज खनालले बताए।
लायन्स क्लब अफ पोखरा पिस सिटीका अध्यक्ष दीपेन्द्र चालिसेको अध्यक्षता लायन्स डिष्ट्रिक्ट ३२५ आई नेपालका डिष्ट्रिक्ट चिफ एडभाईजर शैलेन्द्र मोहन भट्टराईको प्रमुख आतिथ्यतामा सम्पन्न कार्यक्रममा बेशीशहर नगरपालिका वडा न .१२ का अध्यक्ष शिव जोशी, लायन्सका डिष्ट्रिक्ट एम्बासडर कृष्ण श्रेष्ठ (रोजि) , ग्लोबल कजेज चेयरपर्सन आरती अधिकारी, रिजन चियरपर्सन सूर्य चपाई, जोन चेयरपर्सन युबराज खनाललगाएतले आ–आफ्ना राखेका थिए ।
राईजिङ सनका सचिव अनिल कोईरालाको संचालन रहेको कार्यक्रममा राईजिङ सनका अध्यक्ष अन्जना गिरीले स्वागत मन्तव्य राखेकी थिईन् भने कार्यक्रम संयोजक दुर्गा रञ्जितले कार्यक्रमको उदेश्य बारे प्रकाश पारेकी थिईन् ।
