पोखरा । बाबा फाउण्डेशन नेपालले बिभिन्न तीन ठाउँमा अत्यावश्यक सामाग्री हस्तान्तरण गरेको छ ।
फाउण्डेशनले शनिवार बिन्धवासिनी मावि बरपाटन पोखरा र बाल सुधार गृह सराङ्कोटमा स्टेशनरी, खेलकुदका सामाग्री र तीन\तीन स्थान डस्विन प्रदान गरेको छ भने पोखरा–३२, लामेआहालस्थित श्री राधाकृष्ण बृद्धाश्रममा छाता, र्हपिक्स र फलफुल वितरण गरेको हो ।
न्यूनतम आवश्यकताको अभावमा शिक्षाको उज्यालो घामबाट बञ्चित हुन नपरोस् भन्ने उदेश्य लगायत अत्यावश्यकीय सामानबाट पनि कोही पनि पर नहुन् भनि फाउण्डेशनले यी र यस्ता कार्यमा सहकार्य गर्दै आएको अध्यक्ष दीलिपराज श्रेष्ठले बताए ।
फाउण्डेशनले उक्त सामाग्रीहरु बिन्धवासिनी माविमा बिद्यालयका प्रधानाध्यापक बसन्तराज पाण्डे र शिक्षक अविभावक संघका अध्यक्ष प्रेमबहादुर गुरुङ, बाल सुधार गृह सराङ्कोटमा साईको सोसल काउन्सिलर ज्वोती शर्मा र प्रहरी सहायक निरिक्षक गौतम श्रेष्ठलाई स्टेशनरी, खेलकुदका सामाग्री र तीन\तीन डस्विन साथै श्री राधाकृष्ण बृद्धाश्रमका लागि प्रथम उपाध्यक्ष सोभामोहन पौडेललाई छाता, र्हपिक्स र फलफुल प्रदान गरेको थियो ।
श्री राधाकृष्ण बृद्धाश्रमका लागि वडा प्रहरी कार्यालय गगनगौडाका इन्चार्ज प्रहरी नायव निरीक्षक बिष्णु बहादुर पल्ली मगरको समन्वयमा फाउण्डेशनले उक्त सामग्री प्रदान गरेको हो ।
सामाग्री हस्तान्तरण कार्यक्रममा फाउण्डेशनका अध्यक्ष श्रेष्ठसहित फाउण्डेशनका सचिव टंकराज अभिकारी, कोषाध्यक्ष दीपक अधिकारी, सदस्यहरु सर्मिला श्रेष्ठ, जेपी प्रधानाङ्घ, टाईगर स्वामी, शुभचिन्तक उषा श्रेष्ठ, एकता प्रधानाङ्घ लगाएतको उपस्थिति रहेको थियो ।
