२०८३ कार्तिक ३०, सोमबार Monday, November 16, 2026
खबर

युवा उद्यमी किरण केसी, कास्की–२ बाट महाधिवेशन प्रतिनिधि ‘खुला’मा उम्मेदवारी

पोखरा । नेपाली कांग्रेसको १५औँ महाधिवेशनअन्तर्गत कास्की क्षेत्र नं. २ बाट केन्द्रीय महाधिवेशन प्रतिनिधि (खुला) पदमा युवा उद्यमी किरण केसीले उम्मेदवारी दिएका छन्। व्यवसाय, शिक्षा र सामाजिक क्षेत्रमा सक्रिय केसीको उम्मेदवारीसँगै उनको राजनीतिक यात्रा औपचारिक रूपमा अघि बढेको हो।

उद्योगपति तथा समाजसेवी स्वर्गीय सूर्यबहादुर केसीका छोरा किरण व्यवसाय र सामाजिक क्षेत्रमा पारिवारिक पृष्ठभूमि बोके पनि पछिल्लो समय आफ्नै भूमिकामार्फत सार्वजनिक क्षेत्रमा सक्रिय छन्। अब उनले व्यवसाय र शिक्षाबाट हासिल गरेको अनुभवलाई पार्टी राजनीति र सार्वजनिक भूमिकासँग जोड्ने उद्देश्यसहित महाधिवेशन प्रतिनिधिको प्रतिस्पर्धामा आफूलाई प्रस्तुत गरेका छन्।

किरण हाल कालिका बहुमुखी क्याम्पस सञ्चालक समितिका अध्यक्ष छन्। शिक्षा क्षेत्रमा संस्थागत विकाससँगै उनी जलविद्युत्, अपार्टमेन्टलगायतका व्यवसायमा समेत संलग्न छन्।

उनको नेतृत्वमा क्याम्पसको शैक्षिक तथा भौतिक विकासका काम अघि बढिरहेका छन्। केसी परिवारको सहयोगमा करिब ३ करोड २६ लाख रुपैयाँ लागतमा निर्माण भएको पुस्तकालय भवनसमेत क्याम्पसलाई हस्तान्तरण गरिएको छ।

व्यवसायलाई आर्थिक गतिविधि र रोजगारी सिर्जनासँग जोडेर हेर्ने केसीले युवाको राजनीतिक सहभागिता, उद्यमशीलता प्रवर्द्धन, गुणस्तरीय शिक्षा, संगठनात्मक एकता तथा पुस्ताबीचको सहकार्यलाई प्राथमिकतामा राख्ने बताएका छन्।

स्वर्गीय सूर्यबहादुर केसी पोखराको उद्योग–व्यवसाय, शिक्षा तथा सामाजिक क्षेत्रमा स्थापित नाम थिए। कालिका बहुमुखी क्याम्पसका संस्थापक अध्यक्षसमेत रहेका उनले संस्थाको विकासमा योगदान गरेका थिए।

बाबुको सार्वजनिक जीवनलाई नजिकबाट नियालेका किरणले अहिले त्यही अनुभवलाई आफ्नै राजनीतिक यात्रासँग जोड्न खोजेका छन्। उनको उम्मेदवारी पारिवारिक विरासतसँग जोडिए पनि अबको राजनीतिक पहिचान भने संगठनभित्रको सक्रियता, विचार र सार्वजनिक भूमिकामार्फत निर्माण हुने विषय बनेको छ।

कास्की–२ बाट महाधिवेशन प्रतिनिधि (खुला) पदको उम्मेदवारीसँगै किरणका लागि व्यवसाय र शिक्षाबाट सार्वजनिक जीवनतर्फको यात्राले नयाँ मोड लिएको छ। अब उनको राजनीतिक सक्रियता कति फराकिलो हुन्छ भन्ने चासो कांग्रेसको क्षेत्रीय राजनीतिमा जोडिएको छ।

Read more

‘खोइ किसुनजीको सादगी, गणेशमानको त्याग ?’ पूर्ण तिमिल्सिनाको कांग्रेस नेतृत्वलाई प्रश्न

पोखरा । नेपाली कांग्रेसको संगठनात्मक गतिविधि, नेतृत्वको कार्यशैली र आमकार्यकर्तासँगको सम्बन्धलाई लिएर पार्टीभित्रै असन्तुष्टिका स्वर सुनिन थालेका छन्। पार्टी सुधारको बहस चलिरहेका बेला नेपाली कांग्रेसका महासमिति सदस्य तथा…

कांग्रेसको छवि नेताकार्यकर्ताको व्यवहारबाटै बन्ने हो : महामन्त्री पौडेल

नागरिकसँग जिम्मेवार, मर्यादित र जनमैत्री व्यवहार गर्न पार्टीका नेता–कार्यकर्तालाई निर्देशन पोखरा । नेपाली कांग्रेसका महामन्त्री प्रदीप पौडेलले पार्टीको जिम्मेवारीमा रहेका नेता तथा कार्यकर्ताको व्यवहारले नै कांग्रेसको समग्र छवि…

गण्डकी कांग्रेसको नेतृत्वमा मेखलाल श्रेष्ठको दाबेदारी, महामन्त्रीमा गंगाधर पराजुलीको चर्चा

पोखरा । नेपाली कांग्रेसको १५औँ महाधिवेशनअन्तर्गत नियमित महाधिवेशन पक्षधरले गण्डकी प्रदेशको दोस्रो अधिवेशन आगामी मंसिर ५ र ६ गते पोखरामा गर्ने तय गरेसँगै प्रदेश नेतृत्वका लागि राजनीतिक सरगर्मी…

देउवा नेतृत्व कांग्रेसको १५औँ महाधिवेशनका लागि कास्कीबाट पुराना नेता र युवासहित प्रतिनिधि चयन

पोखरा । नेपाली कांग्रेसको नियमित १५औँ महाधिवेशनका लागि कास्कीका तीनवटै निर्वाचन क्षेत्रबाट महाधिवेशन प्रतिनिधि चयन भएका छन् । पार्टीको १४औँ महाधिवेशनबाट निर्वाचित सभापति शेरबहादुर देउवा नेतृत्वको समूहबाट नियमित…

समाज कल्याण समितिको अध्यक्षमा पुनः राजेन्द्रबहादुर कार्की निर्विरोध निर्वाचित

पोखरा । ‘सामाजिक उत्तरदायित्व हाम्रो जिम्मेवारी’ भन्ने मूलमन्त्रका साथ स्थापित समाज कल्याण समिति कास्कीको अध्यक्षमा राजेन्द्रबहादुर कार्की पुनः निर्विरोध निर्वाचित भएका छन् । शनिबार पोखरा-१०, काजीपोखरीस्थित सभा हलमा…

रत्न मन्दिर र हिमागृह लिजमा नदिन जिससको आग्रह

पोखरा । पोखराका ऐतिहासिक सम्पदा रत्न मन्दिर तथा हिमागृहसहित बाराहीघाटको जग्गा ३० वर्षका लागि लिजमा दिने तयारीप्रति जिल्ला समन्वय समिति कास्कीले आपत्ति जनाएको छ। समितिले फेवातालको मापदण्डभित्र पर्ने…