पोखरा उद्योग वाणिज्य संघको नयाँ नेतृत्वका लागि दुई प्यानल विच कडा प्रतिस्पर्धा
पोखरा भ्यूज
पोखरा, १९ भदौ । पोखरा उद्योग वाणिज्य संघको नयाँ नेतृत्वका लागि दुई प्यानल विच कडा प्रतिस्पर्धा हुने भएको छ । निर्वाचन कार्य तालिका बमोजिम शनिवार दुबै प्यानलले आ-आफ्नो उम्मेदवारी दर्ता गरेका छन् ।
नेतृत्वका लागि प्यानल सहित चुनावी मैदानमा उत्रिनेमा वर्तमान कार्यसमितिमा वरिष्ठ उपाध्यक्ष रहेका पवन प्रजापति र वाणिज्य उपाध्यक्ष अर्जुन पोखरेल रहेका छन्। संघ ३४ औं महाधिवेसनका लागि दुवै प्यानलले सबै पदमा आआफ्ना उम्मेद्वार तयार गरेका हुन् ।
प्रजापति नेतृत्वको प्यानलबाट वरिष्ठ उपाध्यक्षमा गोकर्ण कार्की, उपाध्यक्ष उद्योग तर्फ हिरामणी पण्डित, उपाध्यक्ष वाणिज्यतर्फ उत्तममान बुद्धाचार्य, महासचिवमा बलराम आचार्य, कोषाध्यक्षमा दिनेशचन्द्र बाँस्तोला रउपमहासचिवमा शोभा गौतमले उम्मेदवारी दिएका छन् । त्यस्तै सदस्य पदका लागि प्रभा सुवेदी बालकृष्ण कोईराला, विनोद केसी, भीम गौतम, मनोजकुमार श्रेष्ठ, यमनाथ तिमिल्सिना, रामचन्द्र शर्मा, ललित कुँवर, सुदिप ओझा र सुदिप प्रधानांग प्रत्यासी छन् ।
पोखरेल प्यानलबाट बरिष्ठ उपाध्यक्षमा हरिहर सापकोटा, उद्योग उपाध्यक्षमा देवेन्द्र केसी, वाणिज्य उपाध्यक्षमाकुमारी मुना बास्तोला, महासचिवमा केशव बहादुर खत्री, कोषाध्यक्षमा हरिराज पन्त र उपमहासचिवमा हर्कबहादुर अधिकारी (मिरज) ले उम्मेद्वारी दर्ता गराएका छन् । यस्तै, सदस्यहरुमा भरत केसी, कृष्ण प्रसादकोइराला, धर्मेन्द्र कुमार बाटाजु, माधव बस्ताकोटी, उदय बहादुर केसी (लाहुरे दाइ), दिलिप कुमार श्रेष्ठ, दुर्गारन्जित श्रेष्ठ र हिमनिधि लौडारीले उम्मेद्वारी दर्ता गराए ।
यसैगरी यसअघिको कार्यसमितिमा रहेका सोवित पौडेलले वाणिज्य उपाध्यक्ष र तारा ढुङगानाले महासचिवमा स्वतन्त्र उम्मेदवारी दर्ता गरेका छन ।
भदौ २४ र २५ गते हुने निर्वाचनमा संघमा आवद्ध करिव ३ हजार २०० मतदाताले मतदान गर्ने छन । संघको नेतृत्व आगामी दुई वर्षे कार्यकालका लागि चयन हुनेछ।
सम्बन्धित खवर
