भाद्र १९, पोखरा । नेपाली कांग्रेस गण्डकी प्रदेश कार्यसमितिको वैठक सम्पन्न भएको छ । प्रदेश सभापति शुक्रराज शर्माको सभापतित्वमा आइतवार सम्पन्न गरेको बैठकले विभिन्न निर्णय गरेको छ ।
बैठकले आसन्न निर्वाचनमा गण्डकी प्रदेशमा नेपाली कांग्रेसलाई सबै तहमा जिताउनको लागि के कसरी अगाडि बढाउने भन्ने बिषयमा गम्भीर छलफल भएको प्रदेश प्रवक्ता माधब प्रसाद बास्तोला “मधु”ले जानकारी दिएका छन् ।
बास्तोलाका अनुसार नेपाली कांग्रेसमा योगदान पुर्याएका व्यक्तिहरुलाई सम्मान गर्ने हेतुले ३० लाखको अक्षयकोष स्थापना गर्ने निणर्य गरिएको उनले बताए।
भदौ २४ गते विपी जयन्तिको अवसरमा विपी स्मृती पुस्तकालय र सुचना सञ्चार तथा प्रचार प्रसार बिभागको कक्ष समेत उद्घाटन गर्ने निणर्य गरेको बताइएको छ।
यसैगरि केन्द्रीय कार्यालयको परिपत्र अनुसार गण्डकी प्र्रदेशका ११ जिल्लाबाट राय सहित सिफारिस भइ आएका प्रतिनिधि सभाका प्रत्यक्ष तथा समानुपातिक र प्रदेश सभाका प्रत्यक्ष र समानुपातिक आकांक्षी उम्मेद्वार सबैको नामका विषयमा छलफल गरिएको छ । आकांक्षी सबैको नामावलीमा आवश्यक राय तय गर्न प्रदेशका पदाधिकारीलाई जिम्मा दिने बैठकले निणर्य गरेको प्रवक्ता बास्तोलाले जानकारी दिएका छन् ।
उक्त वैठकमा नेपाली कांग्रेसका केन्द्रीय सदस्य शंकर भण्डारीको ममतामयी माता दमयन्ती भण्डारीको ९६ वर्षको उमेरमा असामयिक निधन भएको हुँदा नेपाली कांग्रेस गण्डकी प्रदेशले गहिरो शोक व्यक्त गर्दै शोकसन्तप्त परिवारजनमा समवेदना प्रकट गरेको थियो।
