समग्र व्यवसायीको हित र संस्थाको गरिमालाई माथि उठाउने नै मेरो चुनावी ऐजेन्डा : ढुङगाना
पोखरा भ्यूज
पोखरा । आसन्न पोखरा उद्योग वाणिज्य संघको महाधिवेशनमा पोखराका युवा व्यवसायी तारानाथ ढुंगानाले महासचिव पदमा उम्मेद्वारी दिएकाछन् ।
संघको निर्वतमान कार्यसमिति सदस्य समेत रहेका ढुङगाना युवा व्यवसायीहरुमा लोकप्रिय मानिन्छन् । संघको ३२ औं अधिवेशनमा अत्याधिक मत सहित सदस्यमा निर्वाचित भएका ढुंगाना संघको ३३औं अधिवेशनमा भने कोषाध्यक्ष पदमा झिनो मत अन्तरले पराजित भएका थिए । समग्र व्यवसायीको हित र संस्थाको गरिमालाई माथि उठाउने नै मेरो चुनावी ऐजेन्डा रहेको उनले बताए ।
मदिरा व्यवसायी महासंघको केन्द्रीय महासचिव रहेका ढुंगानाले सञ्चालन गरेका व्यवसायिक प्रतिष्ठानहरुमा तारा सुमन सप्लायर्स, अभिनव ट्रेडर्स, नाइस ट्रेडिङ, नाइस इन्टरप्राइजेज, गुडमर्निङ ट्रेड सेन्टर र बाराही मेनेजमेन्ट सोलुशन प्रालि रहेका छन् ।
व्यवसायमा राजनीतिक गन्धले व्यवसायीको हकहित र अधिकार सँस्थागत हुन नसकेको भन्दै आफुले सम्पूर्ण वर्ग, पेशा र व्यवसायको प्रतिनिधित्व गर्दै स्वतन्त्र साझा उम्मेदवारको रूपमा महासचिवमा प्रस्तुत गरेको बताए ।
सम्पूर्ण व्यवसायीको थप माया, सद्भाव र मतले आफू महासचिव पदमा सजिलै निर्वाचित हुनेमा उनि बिश्वस्त छन् , यसका लागि उनले मतदातासंगको आन्तरिक भेटघाट, छलफल र सुझाव संकलन तीव्र पारेका छन् ।
स्थानिय सामाजिक संघसंस्थामा सफल नेतृत्वदायी भूमिका निर्वाह गरेका उनी सामाजिक सेवा र कार्यमा समेत निरन्तर उत्तिनै संलग्न छन् । “व्यवसायिक एकता आजको आवश्यकता, अग्रजलाई सम्मान, नयाँलाई प्रोत्साहन” भन्ने मुल मन्त्र जप्दै उनी चुनावमा होमिएका छन् ।
सम्बन्धित खवर
