जीप दुर्घटनामा मृत्यु हुनेको संख्या ७ पुग्यो (अपडेट)
पोखरा भ्यूज
२६ कात्तिक, नवलपरासी। नवलपरासीको देवचुली नगरपालिका–९ मा जीप दुर्घटनामा परी गम्भीर घाइते भएका एकजनाको पनि मृत्यु भएको छ । दुर्घटनामा गम्भीर घाइते मध्यविन्दु नगरपालिका–२ का चिरन अर्यालको उपचारका क्रममा मृत्यु भएको हो । अर्यालयको मृत्युपछि जीप दुर्घटनमा ज्यान गुमाउनेको संख्या ७ पुगेको छ ।
बौदीकाली गाउँपालिका माझडाँडाबाट दलदले बजारतर्फ आउँदै गरेको लु१ज ३२७० नम्बरको जीप देवचुली नगरपालिका–९ गोरेघुम्तीमा दुर्घटना भएको थियो । दुर्घटनामा तीन महिला र तीन पुरुषको घटनास्थलमै मृत्यु भएको थियो ।
घटनास्थलमै मृत्यु भएका ६ जनामध्ये हालसम्म पाँच जनाको मात्र सनाखत भएको प्रहरीले बताएको छ । दुर्घटनामा जीप चालक बौदीकाली–६ माझडाँडाका २६ वर्षीय बहादुर आले मगर, सोही ठाउँका ५५ वर्षीय टेकमान वानटक्की मगर, ५२ वर्षीया कुमारी राना र ४५ वर्षीया कमला वानटक्की मगर तथा बुलिङटार गाउँपालिका–४ चुलिबोझाकी १२ वर्षीया करिष्मा ठाडाको मृत्यु भएको हो । मृतक एक जनाको अझै परिचय खुल्न सकेको छैन ।
सम्बन्धित खवर
