पोखरा डल्फिनको ११औं अध्यक्षमा खड़का निर्वाचित
पोखरा भ्यूज
पोखरा । लायन्स क्लब अफ पोखरा डल्फिनले लायन बर्ष २०२४/२५ का लागि नयाँ कार्यसमिति चयन गरेको छ । क्लबको शुक्रवार सम्पन्न निर्वाचनले हालका प्रथम उपाध्यक्ष गोविन्द खड़कालाई आगामी कार्यकालको अध्यक्षमा सर्वसम्मत चयन गरेको हो । उनको कार्यकाल आगामी जुलाई एक गते देख़ि सुरू हुनेछ, उनि क्लबको ११औं अध्यक्ष भएका छन् ।
क्लबको प्रथम उपाध्यक्षमा सुरेन्द्र वराल, द्वित्तिय उपाध्यक्ष शेर बहादुर राना, तृतिय उपाध्यक्ष खिमलाल बराली, सचिव गणेश बहादुर थापा, कोषाध्यक्ष वामदेव पौडेल, सह–सचिव शिवराज रेग्मी र सह कोषाध्यक्ष योगेन्द्रराज भण्डारी निर्वाचित भएको क्लबका पूर्व अध्यक्ष ऋषि गिरीले बताए । 
यसैगरी, मेम्बरसिप चियरपर्शन विरेन्द्र सिके, एलसिआईएफ को–अर्डिनेटर रेवती भण्डारी, सर्भिस चेयरपर्सनमा क्या.सन्त बहादुर लामिछाने, मार्केटिङ एण्ड कम्युनिकेशन चेयरपर्सनमा ऋषि गिरी चयन भएका छन् ।
यस्तै, डाइरेक्टरमा नथुनी शाह, गोविन्द ब. दवाडी, यादव कुमार श्रेष्ठ, शिव नारायण गोशली, विनोद थापा, टेमरमा मिलन बाबु सुनार र टेल ट्विस्टर डा. मुकेश मल्लिक सर्वसम्मत निर्वाचित भएको गिरीले जनाए ।
कार्यक्रममा क्लबका संस्थापक अध्यक्ष राम बहादुर बयलकोटी, वर्तमान अध्यक्ष रेवती भण्डारी लगाएतले नयाँकार्य समितिलाई सामाजिक र मानवीय सेवाका क्षेत्रमा रचनात्मक काम गर्न सुझाव दिएका थिए ।
सम्बन्धित खवर
