डिष्ट्रिक्ट ‘आई’ को चौंथो क्याविनेट बैठक वारपाकमा हुने
पोखरा । लायन्स अन्तर्राष्ट्रिय डिष्ट्रिक्ट ३२५ आई नेपालको चौथो क्याविनेट मिटिङ गोरखाको बारपाकमा हुने भएको छ ।
विश्वमा रहेका ७ सय ५३ डिष्ट्रिक्ट मध्ये निकै नै चलायमान र प्रभावशाली मानिएको यस डिष्ट्रिक्टको चौंथो क्याविनेट मिटिङ आगामी वैशाख २२ गते गोरखाको बारपाकमा हुन गईरहेको लायन्स डिष्ट्रिक्ट ३२५ आई नेपालका डिष्ट्रिक्ट गभर्नर चन्द्रकुमार केसीले बताए ।
चौथो क्याविनेट बैंठकमा लायन्सले आफ्नो एक बर्षिय कार्यकालमा गरिएका कार्यको कार्यसम्पादनको मुल्याङ्कनलाई दृष्टिगत गरी छलफल गरिने गभर्नर केसीले बताए । प्रत्येक तिन/तिन महिनाको अन्तरालमा बर्षभरी हुने चारवटा क्याविनेट बैंठक मध्ये गोरखामा आयोजना हुने यो बैठक बर्षको कार्यकालको अन्तिम बैठकको हो ।
चौथो क्याविनेट मिटिङ एवम् फेलोसिप एक दिन मात्र सञ्चालन हुनेछ, क्याविनेट मिटिङमा पिडिजीहरु, क्याविनेटका सिनियर लिडर, डिष्ट्रिक्ट ३२५ आई नेपाल अन्तर्गतका १८० क्लवका अध्यक्ष र पदाधिकारी एवं सदस्य गरी १ हजार बढी लायन्स प्रतिनिधीहरुको सहभागीता रहने क्याविनेट सेक्रेटरी महेश पाण्डेले जानकारी गराए ।
क्याविनेट बैठकलाई भब्य रुपमा सम्पन्न गर्न गोरखास्थित लायन्स क्लबहरू लायन्स क्लब अफ गोरखा दरौंदी र गोरखा दरवारले स्थानीय व्यस्थापन गरेका छन् भने एडिशनल डिष्ट्रिक्ट को–अर्डिनेटर बिकास थापाले संयोजन गरेका छन् ।
डिष्ट्रिक्टले जुलाई १ देखि सुरू हुने आगामी बर्षको कार्यकालको लागी हालका प्रथम भाईस डिष्ट्रिक्ट गभर्नर बिनोद ढुंगानालाई डिष्ट्रिक्ट गभर्नर, हालका द्वित्तिय भाईस डिष्ट्रिक्ट गभर्नर पार्वती पाण्डे खरेल प्रथम भाईस डिष्ट्रिक्ट गभर्नर पदमा र डिष्ट्रिक्ट चिफ एडभाईजर सूर्यकुमार केसीलाई द्वित्तिय भाईस डिष्ट्रिक्ट गभर्नर पदमा निर्वाचित गरिसकेको छ ।
सम्बन्धित खवर
