जोन ११ अन्तर्गतका क्लबको संयुक्त पदस्थापन समारोह सम्पन्न
पोखरा। । लायन्स अन्तराष्ट्रिय डिष्ट्रिक्ट ३२५ आई नेपाल क्लस्टर तीन रिजन छ जोन ११ अन्तर्गतका क्लबहरूको संयुक्त पदस्थापन समारोह सम्पन्न भएको छ ।
बुधवार लायन्स क्लब अफ पोखरा अर्पण, पोखरा अमरबुद्ध, पोखरा न्यू भिजन र सूपर भिजनको संयुक्त पदस्थापन समारोह सम्पन्न भएको हो ।
पदस्थापन अधिकृत डिष्ट्रिक्ट ३२५ आई नेपालका डिष्टिक्ट गर्भनर बिनोद ढुङगानाले क्लबमा भित्रिएका नयाँ सदस्यलाई लायन सिद्धान्त र मान्यताबारे जानकारी तथा क्लबका नवनिर्वाचित अध्यक्षसहित पदाधिकारीलाई पदस्थापन गराएका हुन् ।
कार्यक्रममा लायन्स क्लब अफ पोखरा अर्पण, पोखरा अमरबुद्ध, पोखरा न्यू भिजनका बर्ष २०२३/०२४ का अध्यक्षहरू क्रमशः उर्मिला बस्नेत, डा. दुर्गा काफ्ले र लक्ष्मण सुनारले आ–आफ्ना कार्यकालका गतिवधि सहितका प्रतिवेदन र २०२४/२५ का लागि पदस्थापित अध्यक्षहरू क्रमशः राधा पाण्डे, मन्जु कार्की सुरेन्द्र बिश्वकर्मा (रामदाम) र आजमात्र चार्टर प्राप्त क्लब पोखरा सुपर भिजनका अध्यक्ष विशाल खड्काथोकीले भावी कार्यक्रम प्रस्तुत गरेका थिए ।
कार्यक्रममा पोखरा महानगरपालिका वडा नं. १९ का वडाध्यक्ष पुष्पेन्द्र पाण्डेले लायन्सले समाजमा गरेका सेवाका कार्यले आफु प्रभावित भएको बताउदै सम्पन्न गरिएका कार्यलाई संस्थागत गर्न सूझाए । लायन्सले समाजमा शिक्षा स्वास्य, वातावरण, सामाजिक र मानवीय सेवाका कार्यका साथै नेतृत्व विकासमा उत्कृष्ट काम गरी समाज रुपान्तरणमा महत्वपूर्ण भूमिका खेलेको चर्चा गरेका थिए ।
पदस्थापन अधिकृत डिष्ट्रिक्ट ३२५ आई नेपालका डिष्टिक्ट गर्भनर ढुङगानाले लायन्सले समाजमा गरेका उत्कृष्ट सेवाका कार्यहरूको निरन्तरता र गर्न बाँकी रहेका सबै सेवा कार्यहरूलाई बर्ष २०२४/२५ मा अगाडी बढ़ाउदै ‘ मानवता पहिलो प्राथमिकता’ भन्ने नारालाई वर्षभरि नै प्राथामिकतामा राखेर काम गर्न र सफल नेतृत्वको उदाहरण प्रस्तुत गर्न अध्यक्षहरूलाई आग्रह गरेका थिए ।
लायन्स क्लब अफ पोखरा अर्पण लायन बर्ष २०२३/२४ का अध्यक्ष उर्मिला बस्नेत र लायन्स क्लब अफ पोखरा न्यू भिजनका लायन बर्ष २०२४/२५ का अध्यक्ष सुरेन्द्र विश्वकर्माको अध्यक्षतामा सम्पन्न कार्यक्रममा पूर्व डिष्ट्रिक्ट गभर्नर राम बसेल, क्लस्टर ३ का क्लस्टर चिफ बिष्णु श्रेष्ठ, जोन चेयरपर्सन राज कुमार बी घिमिरे, लायन्स क्लब अफ पोखरा अर्पणका बर्ष २०२३/२४ का सचिव रन्जना थापा र अमरबुद्वका बर्ष २०२४/२५ का सचिव सरला फुयाललगायतले आ आफ्नो भनाई राखेका थिए ।
कार्यक्रममा लायन्स क्लब अफ पोखरा अमरबुद्वले निवर्तमान अध्यक्ष डा दुर्गा काफ्लेलाई सम्मान गरेको थियो । सो अवसरमा गण्डकी स्टार सिजन ४ विनर कृशीका बी घिमिरेले आफ्नो प्रस्तुति प्रस्तुत गरेकी थिईन् ।
सम्बन्धित खवर
