तनाब ब्यबस्थापनका लागि योग शिविर
पोखरा भ्यूज
पोखरा, १७ असोज । लायन्स क्लब अफ पोखरा पिस टाउनले तनाब ब्यबस्थापनका लागि योग शिविर सम्पन्न गरेको छ । क्लबले पोखरा महानगरपालिका–२०, भलामस्थित श्री महेन्द्र माविको प्रांगणमा सर्वसाधारणको लागि योगप्रति आकर्षण बढ़ाउन १० दिने योग शिविर संचालन गरेको क्लबका अध्यक्ष कान्ती अधिकारी पौडेलले बताईन्।
स्वस्थ रहन र तनाव व्यवस्थापनका लागि योग अभ्यास अत्यावश्यक रहेको लायन्स डिष्ट्रिक्ट ३२५ आई नेपालका सेक्रेटरियट एड्मिनिष्ट्रेटर हरिराज पन्त बताउछन् । “दिनभर व्यवसायको कामले व्यस्त भए पनि बिहानको डेढ घण्टा म नियमित योग गर्छु”, उनले भने, “योग गर्न थालेपछि मेरो नाकको समस्याले लामो समयसम्म दिएको दुःख व्यवस्थापन भएको छ । मलाई स्वस्थ, फुर्तिलो बनाउन र सकारात्मक सोचको विकास गर्न योग उपयोगी बनेको महसुस गरेको छु ।” उनले विगत पाँच वर्षदेखि नियमित योगाभ्यास गर्दै आएको पनि बताए ।
व्यस्त जीवनमा साधारण व्यायाम गरेर भएपनि आफूलाई स्वस्थ राख्न, तनावबाट मुक्त हुन र शारीरिक स्फुर्तिका लागि नियमित योग अभ्यास ज़रूरी रहेको डिष्ट्रिक्ट ३२५ आई नेपालका डिष्ट्रिक्ट को–चिफ एडभाईजर अमृत शोभा खत्रीको बताउछिन् ।
योगाभ्यासमा सहभागीलाई उत्प्रेरणा साथै योग र ध्यानको महत्व बुझाएर आधारभूत ज्ञान र सीप प्रदान गरिएको योग प्रशिक्षक सिता पौडेलले बताईन् । “गलत खानपान र जीवनशैलीका कारणले शरीर भद्दा, अस्त व्यस्त र अस्वस्थ भएको हुन्छ”, उनले भनिन्, “आसन, प्राणायम र उचित खानपानको माध्यमबाट स्वस्थ रहन योगले सहयोग गर्छ ।” योगले मानिसको शरीरिक बनावटलगायत मानसिकरूपमा पनि सकारात्मक प्रभाव पार्ने योग पौडेलको भनाई थियो ।
लायन्स क्लब अफ पोखरा पिस टाउनका अध्यक्ष कान्ती अधिकारी पौडेलको अध्यक्षता क्लबका पूर्व अध्यक्ष शोभा अधिकारी पौडेलको संचालन रहेको समापन कार्यक्रममा डिष्ट्रिक्ट एक्जुकेटिभ टंकराज अधिकारी, क्लस्टर २ का क्लस्टर चिफ भावना बसेल, क्लबका निवर्तमान अध्यक्ष एवं जोन चेयरपर्सन केसी माया नेपाली, जोन चेयरपर्सन दामोदर आचार्यलगाएतको उपस्थिति रहेको थियो ।
योग शिविरमा सहभागी मध्ये रिव बहादुर खत्री, दीपक पौडेलले छोटो प्रतिक्रिया दिदै १० दिनको योगाभ्यासमा सहभागी भईरहदाँ उत्प्रेरणा साथै योग र ध्यानको महत्व बुझि योग सम्बन्धि आधारभूत ज्ञान र सीप प्राप्त भएको बताए । योग अभ्यास देखेका हुन् नगरेका मात्र हुन, हामीले घरमा योगा गरेका छौं व्यवस्थित तवरले गरेका थिएनौं यस १० दिनको योगाभ्यासबाट धेरै सिक्न पाएको भनाई राखेका थिए ।
© कपीराईट–यस पोष्टमा प्रकाशित समाचार या लेख सर्वाधिकार सुरक्षीत छ । यहाँ प्रकाशित समाचार हुबहु कसैले
जानकारी विना साभार गरेको पाइएमा कानुनी कार्वाही गर्न बाध्य हुनेछौ ।
