पोखरा भ्यूज
पोखरा । लायन्स अन्तर्राष्ट्रिय डिष्ट्रिक्ट ३२५ आई नेपाल अन्तर्गतको क्लब लायन्स क्लब पोखरा डल्फिनको आयोजनामा पिस पोस्टर प्रतियोगिता सम्पन्न भएको छ ।
“सिमा बिनाको शान्ति” भन्ने शिर्षकमा ११ देखि १३ वर्षसम्मका विभिन्नका विद्यालयका करीब २५ विद्यार्थीहरु बिच प्रतियोगिता सम्पन्न भएको थियो । विद्यालय स्तरबाट नै शान्तिको सन्देश सिकाउने उद्देश्यले पिस पोस्टर प्रोग्राम गरिएको हो ।
लायन्स क्लब अफ पोखरा डल्फिनले मोहरिया टोलस्थित विन्ध्येश्वरी आदर्श बोर्डिङ स्कुलमा यस प्रकारको कार्यक्रम नियमित गर्दै आइरहेको छ । यस प्रतियोगितामा भाष्कर मेमोरियल स्कुलका छात्रा सौंरभी कुशल प्रथम, विन्ध्येश्वरी आर्दश बोर्डिङ स्कुलका छात्रा उपसना रेग्मी द्वितीय र विन्ध्येश्वरी आर्दश बोर्डिङ स्कुलका छात्र विनायक गिरि तृतिय भएका छन् ।
क्लबका अध्यक्ष गोविन्द बहादुर खड्काको अध्यक्षता, डिष्ट्रिक्ट पिस कोडिनेटर विष्णु प्रसाद ढुङ्गानाको प्रमुख आतिथ्यतामा सम्पन्न प्रतियोगितामा डिष्ट्रिक्ट को-चिफ एडभाइजर ऋषि गिरी, क्लष्टर ३ का क्लष्टर प्रमुख विष्णु श्रेष्ठ आफना भनाई राखेका थिए ।
कार्यक्रमको सञ्चालन क्लबका सचिब गणेश बहादुर थापा तथा निणार्यकको भुमिका यसै विद्यालयका कला शिक्षक अनिता थापा रहेको प्रतियोगिताका संयोजक तथा रिजन ५ का रिजन चेयर पर्सन कृष्ण कुमार श्रेष्ठले जानकारी दिएका छन् ।
