पोखरा भ्यूज
पोखरा । लायन्स क्लब अफ पोखरा पिस टाउनको चार्टर डे(स्थापना दिन)मा पूर्व अध्यक्षलाई सम्मान ग़रिएकोछ । महिला मात्रको क्लब पिस टाउनले बुधवार दियालो रेष्टुरेन्ट, मुस्ताङचोक पोखरामा क्लबको ११औं स्थापना दिवसमा पूर्व अध्यक्षलाई सम्मान गरेको हो ।
क्लबका अध्यक्ष कान्ती अधिकारी पौडेलले क्लबका पूर्व अध्यक्षहरू सिता कोईराला, सरला तिमिल्सिना, शोभा अधिकारी पौडेल र केसी माया नेपाली साथै क्लबका सचिव कल्पना रावत, कोषाध्यक्ष सृष्टी पोखरेल र सदस्य नम्रता लामिछानेलाई दोसल्ला ओढाएर सम्मान गरेकी हुन् । क्लबमा कान्ती ११औं अध्यक्ष हुन् ।
क्लबका अध्यक्ष कान्ती अधिकारी पौडेलको अध्यक्षतामा सम्पन्न कार्यक्रममा लायन्स अन्तर्राष्ट्रिय डिष्ट्रिक्ट ३२५ आई नेपालका डिष्ट्रिक्ट एक्जुकेटिभद्वय एवं पिस टाउनको स्पोन्सर क्लब लायन्स क्लब अफ पोखरा पिस सिटीका संस्थापक अध्यक्ष एवं एक्सटेन्सन चेयरपर्सन सुदीपराज ढुङगाना, पिस सिटीका पूर्व अध्यक्ष एवं क्लबका गाईड़िङ लायन्स टंकराज अधिकारी, क्लस्टर २ का क्लस्टर चिफ भावना बसेल, जोन ५ का जोनचेयर पर्सन दामोदर आचार्यलगाएतको उपस्थिति रहेको थियो ।
कार्यक्रममा उपस्थित अतिथिहरूले महिला मात्रको क्लब पोखरा पिस टाउन सामाजिक कार्यमा सशक्त क्लबको रुपमा रहेको बताउदै ११ वर्षदेखि निरन्तर रूपमा संस्थालाई दिगो रुपमा राख्न सक्षम रहेकोमा क्लबको उत्तरोत्तर प्रगतिको कामना गरेका थिए ।
क्लबका पूर्व अध्यक्ष शोभा अधिकारी पौडेलको संचालन रहेको कार्यक्रममा पूर्व अध्यक्षहरू सिता कोईराला, सरला तिमिल्सिना, निवर्तमान अध्यक्ष एवं क्लबका जोन चेयरपर्सन केसीमाया नेपालीले
क्लबले स्थापना कालदेख़ि समाजमा गर्दै आएको सेवाका कार्यका बारेमा चर्चा गरेका थिए ।
