पोखरा । “आदिबासी जनजातिको अधिकार, लोकतन्त्रको सान, जंगल जमिनको सम्मान, हाम्रो मान” भन्ने नारा सहित नेपाल लोकतन्त्रबादी आदिवासी जनजाति महासंघ गण्डकी प्रदेशले कास्की शाखाको सहकार्यमा शुक्रवार वृहत् वृक्षारोपण कार्यक्रम सम्पन्न गरेको छ ।
महासघ गण्डकी प्रदेशका अध्यक्ष जित बहादुर गुरुङको अध्यक्षतामा पोखरा महानगरपालिका वडा नं १८ ग्यारजातीस्थित र्राष्ट्रिय बिभुति तथा शहिद पार्क परिसरमा वृहत् वृक्षारोपण भएको हो ।
महासंघको २८औं स्थापना दिवसको अवसरमा आयोजित वृहत् वृक्षारोपणमा झण्डै सय भन्दा बढि विभिन्न जातिका बोट बिरुवासहित फलफूलका विरुवाहरु वृक्षरोपण भएको नेपाल लोकतन्त्रबादी आदिवासी जनजाति कास्कीका अध्यक्ष आश बहादुर गुरुङले बताए ।
कार्यक्रममा नेपाली कांग्रेसक केन्द्रिय सदस्य गुरु बराल, शारदा पौडेल, कास्की सभापति किशोर दत्त बराललगाएत जिल्ला पदाधिकारी एव सदस्य नेपाल लोकतन्त्रबादी आदिवासी जनजाति महासंघ गण्डकी प्रदेश र कास्कीका पदाधिकारी एवम् सदस्यहरुको उल्लेख्य सहभागिता रहेको थियोे ।
