पोखरा भ्यूज
पोखरा । नेपाली काँग्रेस पोखरा १६ ले समाजसेवी सन्तबहादुर गुरुङको सभापतित्वमा २१ सदस्यीय अम्विका टोल कार्यसमिति समिति गठन गरेको छ ।
समितिको उपसभापतिको २ पदमा रोशन राना र कुलबहादुर गुरुङ, सचिव २ मा मञ्जु खवास र ओमेश गुरुङ, सहसचिव २ मा भुवन खवास र मन्सुर राना चयन भएका छन् भने कोषाध्यक्षमा मनसुवा राना चयन भएका छन् । त्यस्तै सदस्यमा दुर्गा गुरुङ, आयुष राना, राहुल खवास, निजरज गुरुङ, रोहित खवास, दिवस गुरुङ, सविन गुरुङ, राजकुमारी गुरुङ, विजय गुरुङ, सिसल भण्डारी, सिर्जन रोकाममगर र विजेश भण्डारी चयन भएका छन् ।
यसअघि वडा कार्यसमितिले ५ वटा टोल कार्यसमिति गठन गरिसकेको छ । यो सँगै पोखरा १६ मा नेपाली काँग्रेसको टोल कार्यसमितिको संख्या ६ पुगेको छ ।
स्थानीय राजपँधेरामा शनिबार दिउँसो आयोजित भेलालाई सम्बोधन गर्दै नेपाली नेपाली काँग्रेसका पूर्वमहाधिवेशन प्रतिनिधि पदमसिंह गुरुङले आगमी वैशाख ३० हुने स्थानीय तहको निर्वाचनमा केन्द्रित हुन नवगठित टोल कार्यसमितिलाई निर्देशन दिए ।
उनले गत स्थानीय निर्वाचनमा काँग्रेसले पराजय भोग्नु परेको अवस्थामा समेत नेपाली काँग्रेसको नेतृत्वमा बनेको प्रदेश सरकारबाट तत्कालीन निर्वाचनमा बोलेको काम पूरा गर्दै आएको बताए । ‘प्रदेश सरकारमा नेपाली काँग्रेसले प्रतिनिधत्व गरेपछि पोखरा १६ मा विकास लहर चलेको छ । अब स्थानीय सरकारमा काँग्रेसले नेतृत्व लिएपछि विकास र समृद्धिको खाका थप स्पष्ट हुन्छ,’उनले भने ।
कार्यक्रममा नेपाली काँग्रेसका प्रदेश अधिवेशन प्रतिनिधि मञ्जुश्री थापा, प्रदेश सभा (ख) का उपसभापति होमबहादुर बानियाँ, नेपाली काँग्रस पोखरा १६ का पूर्वसभापति शिवराज देवकोटा, पूर्वउपसभापति रुद्रबहादुर बस्नेत, नेपाल महिला संघ पोखरा १६ की सभापति कमला तिमिल्सिना लगायतको बाक्लो उपस्थिति थियो ।
नेपाली काँग्रेस पोखरा १६ का सभापति अमृत शर्मा तिमिल्सिनाको सभापतित्वमा भएको कार्यक्रममा नेपाली काँग्रेसका क्षेत्रीय प्रतिनिधिद्वय राजेन्द्रबहादुर देवकोटा र लक्ष्मी देवकोटा, समाजसेवी सन्तबहादुर गुरुङ, नेपाली काँग्रेस पोखरा १६ का सचिव धर्मराज थापा लगायतका वक्ताले स्थानीय निर्वाचित लक्ष्य कार्यक्रम अनुसार टोल कार्यसमिति गठन गरिएको बताएका थिए ।
कार्यक्रम आरम्भ भए लगत्तै झमझम पानी परेको थियो । यद्यपि पानी र चिसोको कुनै प्रवाह नगरी नेपाली काँग्रेसका नेता तथा कार्यकर्ता कत्ति पनि विचलित नभई धैयर्तापूर्वक पानीमा रुझेर कार्यक्रम सम्पन्न गरिएको थियो ।
