पोखरा । पोखरामा हुने नेपाल वितरक महासंघको १३ औं साधारणसभा एवं छैटौं महाधिवेशनको तयारी तीव्र पारिएको छ ।
यहि आउँदो फागुन १६ र १७ गते पोखरास्थित होटल ग्राण्डमा सम्पन्न हुन गईरहेको र तयारी तीव्र पारिएको नेपाल वितरक महासंघका केन्द्रिय अध्यक्ष हरिराज पन्तले जानकारी दिए ।
अध्यक्ष पन्तका अनुसार साधारण सभामा ४५ जिल्लाका २५० बढि प्रतिनिधि सहित विभिन्न क्षेत्रमा संलग्न ब्यवसायी एवं सामाजका प्रतिष्ठित व्यक्तिहरुको समेत सहभागिता रहने छ ।
नेपालमा उत्पादन भएका एवं बाह्य बजारबाट आयात गरिएका विभिन्न उत्पादनहरु वितरण तथा बजारीकरणमा संलग्न व्यवसायीहरु समेटिएको महासंघ एक मात्र अभिभावकीय संस्थाको रूपमा परिचित छ ।
अध्यक्ष पन्तका अनुसार नेपालको विभिन्न ४५ वटा जिल्लामा वितरकको रुपमा कार्यरत ब्यबसायीहरुको संख्या करिब छ हजार रहेको छ । तर वितरकहरुको काम, कर्तब्य र अधिकारलाई समेट्ने गरि स्पष्ट कानुन नबन्दा विभिन्न समस्याहरु भोग्नु परेको छ ।
