पोखरा । लायन्स अन्तर्राष्ट्रिय डिष्ट्रिक्ट ३२५ आई नेपाल, एरिया १०, रिजन २२ अन्तर्गत जोन ५२ को पहिलो जोन मिटिङ विहिबार सम्पन्न भएको छ ।
बैठकमा जोन अन्तर्गतका क्लबहरू लायन्स क्लब अफ पोखरा अमरबुद्व, पोखरा सिभिकका अध्यक्ष, प्रथम उपाध्यक्ष, सचिव, कोषाध्यक्ष लगायत डिष्ट्रिक्टका सिनियर लायन्स लिडरहरूको सहभागीता रहेको थियो ।
बैठकमा लायन्स क्लब अफ पोखरा अमरबुद्वका अध्यक्ष इन्दिरा पौडेल, सचिव हिमानी गुरुङ, कोषाध्यक्ष नमुना गुरुङ साथै पोखरा सिभिकका अध्यक्ष मित्रबन्धु बराल, सचिव विनोद बराल, कोषाध्यक्ष रामचन्द्र तिवारीले आ–आफ्नोे प्रतिवेदनसहित क्लबले हालसम्म सम्पादन गरेका कार्य र बाँकी कार्यक्रमहरू प्रस्तुत गरेका थिए ।
लायन्स अन्तरराष्ट्रियको बिधी बिधान अनुसार जोन चेयरपर्सनले एक बर्षे कार्यकालमा आफ्नो माताहतमा रहेका क्लब लिएर कम्तिमा ४ वटा जोन मिटिंग गर्नुपर्ने प्रावधान रहेको छ । जसमा पहिलो मिटिंगमा वार्षिक कार्ययोजना सम्बन्धि छलफल, दोश्रोमा सदस्यता बृद्धि, तेश्रोमा लिडरशिप र चौथोमा बर्ष भरि गरेका कार्यहरूको समिक्षा सहित फेलोशिपलाई प्राथमिकता दिईने जोन ५२ का जोन चियरपर्सन विकास कँडेलले बताए ।
कँडेलका अनुसार प्रथम जोन मिटिङमा क्लब, डिष्ट्रिक्ट र अन्तर्राष्ट्रियले प्रथामिकतामा राखेका कार्यक्रमको प्रभावकारी कार्यन्वयन, क्लबको अन्तर्राष्ट्रिय, मल्टिपल र डिष्ट्रिक्ट शुल्क भुक्तानी, नयाँ क्लब गठन तथा सदस्यता वृद्धि, एलसिआईएफ लगाएत डिष्ट्रिक्टका अन्य कोषमा योगदान तथा यसको दीर्घकालीन प्रभाव, स्कुलिङ प्रोग्राममा क्लबले गरेका कमिटमेन्ट, डिष्ट्रिक्टको वेवसाईट, व्हाट्एपप्स र फेसबुक पेजको प्रयोग र यसको प्रभावकारीता, डिष्ट्रिक्टको दोश्रो क्याबिनेट बैठकमा सहभागीता साथै ईसामे एरिया फोरममा रजिष्ट्रेसन लगाएतका विषयमा छलफल गरिएको थियो ।
कार्यक्रममा बोल्दै प्रमुख आमन्त्रित डिष्ट्रिक्ट ३२५ आई नेपालका डिष्ट्रिक्ट चिफ पिआरओ ऋषि गिरीले लायन्सले सामाजिक क्षेत्रमा महत्वपूर्ण योगदान पु¥याएको बताउदै क्लबहरूले सामाजिक कार्यलाई निरन्तरता दिई उत्कृष्ट कार्य सम्पादन गरेकोमा गर्व महशुष गरेको बताए ।
जोन चियरपर्सन घिमिरे अध्यक्षतामा सम्पन्न बैठकमा डिष्ट्रिक्टका चिफ एडमिनिट्रेटर शान्ता देवी थापा भण्डारी, डिष्ट्रिक्ट एडमिनिट्रेटरद्धय युवराज खनाल, रिजन चेयरपर्सन बद्रिका ढुंगानांले क्लबले गरेका कार्यको उच्च प्रसंसा गर्दै लायन्सले गर्नुपर्ने काम, कर्तव्य र उत्तरदायित्वको बारेमा प्रकाश पारेका थिए ।
बैठकमा डिष्ट्रिक्ट एडमिनिट्रेटर टंकराज अधिकारी, डिष्ट्रिक्ट चिफ बसुधा भट्टराई, डिष्ट्रिक्ट को–अर्डिनेटरत्रय जिएलटी डिल बहादुर थापा, जिएसटी सुशिल पौडेल, एफडब्लुसी बिष्णु श्रेष्ठ,एरिण १० का को–अर्डिनेटर मेनका श्रेष्ठ, डिपार्टमेन्ट चिफ सुरेश न्यौपालेलगाएतको उपस्थिति रहेको थियो ।
