पोखरा। राष्ट्रिय भजन चुड्का संरक्षण प्रतिष्ठान नेपाल, जिल्ला समिति कास्कीको अध्यक्षमा कृष्ण प्रसाद अधिकारी निर्विरोध चयन भएका छन्। शनिबार सम्पन्न संस्थाको सातौँ वार्षिक साधारण सभा तथा चौथो अधिवेशनबाट अध्यक्षसहित सम्पूर्ण पदाधिकारी र कार्यसमिति सदस्यहरू निर्विरोध निर्वाचित भएका हुन्।
निर्वाचन समितिका संयोजक तथा राष्ट्रिय भजन चुड्का संरक्षण प्रतिष्ठान नेपालका महासचिव खगेन्द्र पराजुलीका अनुसार अधिवेशनले नयाँ नेतृत्व सर्वसम्मत रूपमा चयन गरेको हो। निर्वाचन समितिमा संस्थाका कानुनी सल्लाहकार दुर्गा प्रसाद कोइराला, केन्द्रीय सचिव भरतचन्द्र गौतम तथा सह–कोषाध्यक्ष तारा थापा सदस्यका रूपमा रहेका थिए।
निर्वाचनबाट समितिको वरिष्ठ उपाध्यक्षमा दिवाकर बास्तोला, उपाध्यक्षमा रामचन्द्र दाहाल, महिला उपाध्यक्षमा सरस्वती बास्तोला, सचिवमा कृष्ण प्रसाद पौडेल, कोषाध्यक्षमा शिव बराल, सह–सचिवमा मोहन बराल तथा सह–कोषाध्यक्षमा जयराम तिमिल्सिना निर्विरोध निर्वाचित भएका छन्।
त्यसैगरी कार्यसमिति सदस्यहरूमा पिताम्बर बास्तोला, हरिचन्द्र आचार्य, बुद्धीसागर पौडेल, सिता अधिकारी, सरु साप्कोटा, कोपिला गौली बास्तोला, बुद्धदेवी कुवँवर, सिता महाकाली, बिनु सुवेदी, रमा गौतम, कल्पना सिन्देल, आरती अधिकारी, विश्वराज न्यौपाने, लक्ष्मी दाहाल र कृष्णबहादुर जिसी चयन भएका छन्।
नव–निर्वाचित अध्यक्ष कृष्ण प्रसाद अधिकारीले संस्थाको भावना, मूल मर्म र उद्देश्यअनुरूप कार्य गर्ने प्रतिबद्धता व्यक्त गरे। उनले अग्रजहरूको मार्गदर्शन तथा कार्यसमितिको सामूहिक सहयोगबाट संस्थाको गरिमा अझ उचाइमा पुर्याउने विश्वास व्यक्त गरे।
यसअघि कार्यक्रमको उद्घाटन राष्ट्रिय भजन चुड्का संरक्षण प्रतिष्ठान नेपालका केन्द्रीय अध्यक्ष नारायण प्रसाद खनाल ‘लेकाली’ले गरेका थिए। कार्यक्रममा संस्थापक अध्यक्ष प्रजापति पराजुली तथा गण्डकी प्रदेश अध्यक्ष बसन्त बास्तोलालगायतले संस्था गठनको उद्देश्य र हालसम्मका गतिविधिबारे आफ्ना धारणा राखेका थिए।
कार्यक्रम राष्ट्रिय भजन चुड्का संरक्षण प्रतिष्ठान नेपाल, कास्कीका अध्यक्ष सालिकराम गौतमको अध्यक्षतामा सम्पन्न भएको थियो।
