२०८३ कार्तिक ३०, सोमबार Monday, November 16, 2026
खबर

गण्डकीमा बाढी–पहिरोको वितण्डा, राजमार्गदेखि पक्की पुलसम्म अवरुद्ध

पोखरा। अविरल वर्षासँगै आएको बाढी र पहिरोले गण्डकी प्रदेशसहित देशभरको जनजीवन प्रभावित बनेको छ। बाढीले स्याङ्जा र गुल्मी जोड्ने पक्की पुल बगाएको छ भने प्रदेशका प्रमुख राजमार्ग तथा सडकखण्डहरू अवरुद्ध भएका छन्।

स्याङ्जाको कालिगण्डकी गाउँपालिका–७ मिर्मी र गुल्मीको कालिगण्डकी गाउँपालिका–१ हर्मिचौर जोड्ने पक्की पुल बाढीले बगाएको हो। यस्तै, पर्वत, म्याग्दी र लमजुङका प्रमुख नदीमा जलसतह बढेर खतराको तह पार गरेपछि तटीय क्षेत्रमा उच्च सतर्कता अपनाइएको छ।

लमजुङको चेपे खोला, पर्वतको कालीगण्डकी र म्याग्दीको नारायणी नदीमा बहाव बढेको जनाइएको छ। सम्बन्धित प्रशासनले नदी तथा खोला किनारका बासिन्दालाई विशेष सतर्कता अपनाउन आग्रह गरेको छ।

बाढी–पहिरोका कारण बेँसीसहर–चामे, जोमसोम–कोरला, पोखरा–बागलुङ, बेनी–जोमसोम, मध्यपहाडी लोकमार्ग र कालीगण्डकी करिडोर लगायतका सडकखण्ड अवरुद्ध भएका छन्।

तनहुँको पृथ्वी राजमार्गअन्तर्गत घाँसीकुवा क्षेत्रमा खसेको पहिरो पन्छाउन नेपाली सेनाको कालीभञ्जन गणबाट खटिएको टोलीले काम गरिरहेको छ।

पर्वतको घारखोला क्षेत्रमा नदीको बहाव उच्च भएपछि नयाँ रणभीम गुल्मको सुरक्षा पोस्ट सुरक्षित स्थानमा सारिएको छ। कास्कीको पञ्चासे, तनहुँको कोटेगाउँ, स्याङ्जाको पञ्चमुल र म्याग्दीको दरबाङ क्षेत्रमा वर्षाको मात्रा सतर्कता तहभन्दा माथि पुगेको जनाइएको छ।

सुरक्षा निकायले उद्धार तथा विपद् व्यवस्थापनका लागि पूर्वतयारी तीव्र पारेका छन्। प्रशासनले अत्यावश्यक कामबाहेक यात्रा नगर्न र सम्भावित जोखिमबाट जोगिन सर्वसाधारणलाई आग्रह गरेको छ।

Read more

‘खोइ किसुनजीको सादगी, गणेशमानको त्याग ?’ पूर्ण तिमिल्सिनाको कांग्रेस नेतृत्वलाई प्रश्न

पोखरा । नेपाली कांग्रेसको संगठनात्मक गतिविधि, नेतृत्वको कार्यशैली र आमकार्यकर्तासँगको सम्बन्धलाई लिएर पार्टीभित्रै असन्तुष्टिका स्वर सुनिन थालेका छन्। पार्टी सुधारको बहस चलिरहेका बेला नेपाली कांग्रेसका महासमिति सदस्य तथा…

कांग्रेसको छवि नेताकार्यकर्ताको व्यवहारबाटै बन्ने हो : महामन्त्री पौडेल

नागरिकसँग जिम्मेवार, मर्यादित र जनमैत्री व्यवहार गर्न पार्टीका नेता–कार्यकर्तालाई निर्देशन पोखरा । नेपाली कांग्रेसका महामन्त्री प्रदीप पौडेलले पार्टीको जिम्मेवारीमा रहेका नेता तथा कार्यकर्ताको व्यवहारले नै कांग्रेसको समग्र छवि…

गण्डकी कांग्रेसको नेतृत्वमा मेखलाल श्रेष्ठको दाबेदारी, महामन्त्रीमा गंगाधर पराजुलीको चर्चा

पोखरा । नेपाली कांग्रेसको १५औँ महाधिवेशनअन्तर्गत नियमित महाधिवेशन पक्षधरले गण्डकी प्रदेशको दोस्रो अधिवेशन आगामी मंसिर ५ र ६ गते पोखरामा गर्ने तय गरेसँगै प्रदेश नेतृत्वका लागि राजनीतिक सरगर्मी…

देउवा नेतृत्व कांग्रेसको १५औँ महाधिवेशनका लागि कास्कीबाट पुराना नेता र युवासहित प्रतिनिधि चयन

पोखरा । नेपाली कांग्रेसको नियमित १५औँ महाधिवेशनका लागि कास्कीका तीनवटै निर्वाचन क्षेत्रबाट महाधिवेशन प्रतिनिधि चयन भएका छन् । पार्टीको १४औँ महाधिवेशनबाट निर्वाचित सभापति शेरबहादुर देउवा नेतृत्वको समूहबाट नियमित…

समाज कल्याण समितिको अध्यक्षमा पुनः राजेन्द्रबहादुर कार्की निर्विरोध निर्वाचित

पोखरा । ‘सामाजिक उत्तरदायित्व हाम्रो जिम्मेवारी’ भन्ने मूलमन्त्रका साथ स्थापित समाज कल्याण समिति कास्कीको अध्यक्षमा राजेन्द्रबहादुर कार्की पुनः निर्विरोध निर्वाचित भएका छन् । शनिबार पोखरा-१०, काजीपोखरीस्थित सभा हलमा…

रत्न मन्दिर र हिमागृह लिजमा नदिन जिससको आग्रह

पोखरा । पोखराका ऐतिहासिक सम्पदा रत्न मन्दिर तथा हिमागृहसहित बाराहीघाटको जग्गा ३० वर्षका लागि लिजमा दिने तयारीप्रति जिल्ला समन्वय समिति कास्कीले आपत्ति जनाएको छ। समितिले फेवातालको मापदण्डभित्र पर्ने…