२०८३ कार्तिक ३०, सोमबार Monday, November 16, 2026
खबर

कास्कीबाट केन्द्रीय पदमा आकांक्षीको लर्को, उपसभापतिमा परियार–चालिसेको दाबी

Screenshot

काठमाडौं । नेपाली कांग्रेसको १५औँ महाधिवेशनमा कास्कीबाट केन्द्रीय पदका लागि एक दर्जनभन्दा बढी नेताले उम्मेदवारीको तयारी गरेका छन्। उपसभापति, सहमहामन्त्रीदेखि विभिन्न क्लस्टरका केन्द्रीय सदस्यसम्म कास्कीका नेताहरूले दाबी प्रस्तुत गरेका हुन्।

महाधिवेशन नजिकिँदै गर्दा उम्मेदवारी घोषणा र आन्तरिक लबिङ तीव्र बनेको छ। केही नेताले सामाजिक सञ्जालमार्फत उम्मेदवारी सार्वजनिक गरेका छन् भने केही काठमाडौंमा समूहगत छलफलमा जुटेका छन्।

उपसभापतिमा परियार र चालिसे

उपसभापतिमा कास्कीबाट जीवन परियार र देवराज चालिसे आकांक्षी देखिएका छन्। निवर्तमान सहमहामन्त्री परियारले उपसभापतिमा उम्मेदवारी दिने तयारी गरेका छन्। १४औँ महाधिवेशनमा शेखर कोइराला समूहबाट सहमहामन्त्रीमा निर्वाचित परियार पछिल्लो समय गगन थापा नेतृत्वको समूहमा खुलेका छन्। उनले अन्तिम निर्णय समूहगत छलफलबाट हुने बताएका छन्।

कांग्रेसका वर्तमान प्रवक्ता देवराज चालिसे पनि उपसभापतिका दाबेदार हुन्। १४औँ महाधिवेशनमा केन्द्रीय सदस्यमा पराजित भएका चालिसे विशेष महाधिवेशनको हस्ताक्षर अभियानमा सक्रिय थिए। विशेष महाधिवेशनपछि केन्द्रीय सदस्य बनेका उनलाई प्रवक्ताको जिम्मेवारी दिइएको थियो। उनले सामाजिक सञ्जालमार्फत उपसभापतिको प्रचार सुरु गरिसकेका छन्।

सहमहामन्त्रीमा बराल, केन्द्रीय सदस्यमा दर्जन बढी

कास्की कांग्रेसका सभापति किशोरदत्त बरालले खुला क्लस्टरबाट सहमहामन्त्रीमा उम्मेदवारी घोषणा गरेका छन्। खुला क्लस्टरमै तिलक रानाभाटले केन्द्रीय सदस्यमा दोहोरिने तयारी गरेका छन्। अल्पसंख्यक/जनजाति क्लस्टरमा देवेन्द्रकुमार शेरचनको नाम चर्चामा छ।

केन्द्रीय सदस्यमा आदिवासी–जनजाति क्लस्टरतर्फ मिनबहादुर गुरुङ (मिन गुरुङ), युवा उद्धमी किरण केसी तथा महिला क्लस्टरतर्फ लक्ष्मी पाण्डे, नम्रता बराल र सरिता तिमिल्सिना पंगेनीलगायतले उम्मेदवारी दिने घोषणा गरेका छन्। युवा क्लस्टरतर्फ सौगात थापा र यमकृष्ण पौडेलले उम्मेदवारी घोषणा गरिसकेका छन्।

केन्द्रीय निर्वाचन समितिको तालिकाअनुसार असोज २० गते मंगलबार दिउँसो ३ बजेसम्म उम्मेदवारी दर्ता हुनेछ। असोज २१ गते अन्तिम नामावली प्रकाशन र प्रचारप्रसार हुनेछ। असोज २२ गते राष्ट्रिय सभा गृह, खुलामञ्च र प्रज्ञा भवनमा मतदान हुनेछ। गण्डकी प्रदेशको मतदान प्रज्ञा भवन, कमलादीमा हुनेछ।

Read more

कांग्रेसको छवि नेताकार्यकर्ताको व्यवहारबाटै बन्ने हो : महामन्त्री पौडेल

नागरिकसँग जिम्मेवार, मर्यादित र जनमैत्री व्यवहार गर्न पार्टीका नेता–कार्यकर्तालाई निर्देशन पोखरा । नेपाली कांग्रेसका महामन्त्री प्रदीप पौडेलले पार्टीको जिम्मेवारीमा रहेका नेता तथा कार्यकर्ताको व्यवहारले नै कांग्रेसको समग्र छवि…

गण्डकी कांग्रेसको नेतृत्वमा मेखलाल श्रेष्ठको दाबेदारी, महामन्त्रीमा गंगाधर पराजुलीको चर्चा

पोखरा । नेपाली कांग्रेसको १५औँ महाधिवेशनअन्तर्गत नियमित महाधिवेशन पक्षधरले गण्डकी प्रदेशको दोस्रो अधिवेशन आगामी मंसिर ५ र ६ गते पोखरामा गर्ने तय गरेसँगै प्रदेश नेतृत्वका लागि राजनीतिक सरगर्मी…

देउवा नेतृत्व कांग्रेसको १५औँ महाधिवेशनका लागि कास्कीबाट पुराना नेता र युवासहित प्रतिनिधि चयन

पोखरा । नेपाली कांग्रेसको नियमित १५औँ महाधिवेशनका लागि कास्कीका तीनवटै निर्वाचन क्षेत्रबाट महाधिवेशन प्रतिनिधि चयन भएका छन् । पार्टीको १४औँ महाधिवेशनबाट निर्वाचित सभापति शेरबहादुर देउवा नेतृत्वको समूहबाट नियमित…

समाज कल्याण समितिको अध्यक्षमा पुनः राजेन्द्रबहादुर कार्की निर्विरोध निर्वाचित

पोखरा । ‘सामाजिक उत्तरदायित्व हाम्रो जिम्मेवारी’ भन्ने मूलमन्त्रका साथ स्थापित समाज कल्याण समिति कास्कीको अध्यक्षमा राजेन्द्रबहादुर कार्की पुनः निर्विरोध निर्वाचित भएका छन् । शनिबार पोखरा-१०, काजीपोखरीस्थित सभा हलमा…

रत्न मन्दिर र हिमागृह लिजमा नदिन जिससको आग्रह

पोखरा । पोखराका ऐतिहासिक सम्पदा रत्न मन्दिर तथा हिमागृहसहित बाराहीघाटको जग्गा ३० वर्षका लागि लिजमा दिने तयारीप्रति जिल्ला समन्वय समिति कास्कीले आपत्ति जनाएको छ। समितिले फेवातालको मापदण्डभित्र पर्ने…

पोखरामा मंसिर ५ र ६ गते कांग्रेस गण्डकीको दोस्रो अधिवेशन, देउवाले उद्घाटन गर्ने

१ हजार ६ सयभन्दा बढी प्रतिनिधि सहभागी हुँदै, अधिवेशनका लागि २५ लाख खर्च अनुमान पोखरा, कात्तिक २७ । नेपाली कांग्रेसको नियमित १५औँ महाधिवेशनअन्तर्गत गण्डकी प्रदेशको दोस्रो अधिवेशन आगामी…