२०८३ मंसिर १, मंगलबार Tuesday, November 17, 2026
खबर

प्रेस युनियनको नेतृत्वपछि कांग्रेसको केन्द्रमा शिव लम्साल, ‘संगठन र प्रेस स्वतन्त्रता’ मुख्य एजेन्डा

काठमाडौं । नेपाल प्रेस युनियनको नेतृत्वमा रहेका शिव लम्साल अब नेपाली कांग्रेसको केन्द्रीय राजनीतिमा आफ्नो भूमिका खोज्दैछन्। कांग्रेसको १५औँ महाधिवेशनमा उनले केन्द्रीय सदस्य पदमा उम्मेदवारी घोषणा गरेका छन्।

विद्यार्थी राजनीतिबाट सुरु भएको राजनीतिक यात्रा, पत्रकारितामा बिताएको लामो समय र प्रेस युनियनको नेतृत्वबाट प्राप्त संगठनात्मक अनुभवलाई अब कांग्रेसको मूल संगठनमा प्रयोग गर्ने उद्देश्यसहित लम्साल चुनावी मैदानमा उत्रिएका हुन्। बारा क्षेत्र नम्बर १ बाट खुलातर्फ महाधिवेशन प्रतिनिधिमा सर्वसम्मत चयन भएपछि उनले केन्द्रीय सदस्यमा उम्मेदवारी घोषणा गरेका हुन्।

लम्सालको राजनीतिक यात्रा २०५१ सालमा नेविसंघ बारा क्षेत्र नम्बर १ को अध्यक्ष बनेसँगै अघि बढेको थियो। त्यसपछि बारा, स्याङ्जा र मकवानपुरका विभिन्न क्याम्पसमा विद्यार्थी संगठन निर्माण र गतिविधिमा सक्रिय रहे। विद्यार्थी राजनीतिपछि पत्रकारिता रोजेका उनी नेपाल प्रेस युनियनको संगठनमा जोडिएर काठमाडौं शाखा सभापतिदेखि केन्द्रीय सचिव र महासचिव हुँदै २०७९ सालमा अध्यक्ष बने।

पत्रकारिताबाट पार्टी राजनीतितर्फको उनको प्रवेश भने केवल पदको दाबीमा सीमित छैन। प्रेस तथा अभिव्यक्ति स्वतन्त्रता, नागरिक अधिकार र लोकतान्त्रिक मूल्यलाई पार्टीको नीतिनिर्माण तहसँग जोड्ने उनको मुख्य एजेन्डा छ। प्रेस स्वतन्त्रता पत्रकारको मात्र विषय नभई लोकतन्त्रको आधारभूत पक्ष भएकाले राजनीतिक नेतृत्वले त्यसको संरक्षणमा स्पष्ट भूमिका खेल्नुपर्ने उनको धारणा छ।

लम्सालले कांग्रेसको संगठनलाई थप सक्षम, सक्रिय र कार्यकर्तामैत्री बनाउन आफूले हासिल गरेको संगठनात्मक अनुभव उपयोग गर्ने बताएका छन्। विभिन्न तहका संगठनसँग काम गरेको अनुभव, देशभरका पत्रकारसँगको सम्पर्क र पेशागत संगठन सञ्चालनको अनुभवलाई पार्टी संगठन विस्तार र कार्यकर्ता परिचालनमा जोड्न सकिने उनको विश्वास छ।

उनको उम्मेदवारीले कांग्रेसभित्र पेशागत क्षेत्रबाट आएको नेतृत्वले पार्टीको नीति र निर्णय प्रक्रियामा कस्तो भूमिका खेल्न सक्छ भन्ने बहसलाई पनि अगाडि ल्याएको छ। सञ्चार, सूचना, अभिव्यक्ति स्वतन्त्रता र नागरिक अधिकारका सवाललाई पार्टीको मूल नीतिसँग जोड्ने प्रतिबद्धता लम्सालले व्यक्त गरेका छन्।

कांग्रेसको १५औँ महाधिवेशनमा विभिन्न पृष्ठभूमिका नेताहरूले केन्द्रीय सदस्यमा दाबी गरिरहेका बेला लम्सालले भने आफ्नो राजनीतिक यात्राको आधारका रूपमा नेविसंघको संगठन, पत्रकारिताको अनुभव र प्रेस युनियनको नेतृत्वलाई अघि सारेका छन्। उनका लागि यो उम्मेदवारी नयाँ राजनीतिक सुरुवातभन्दा पनि लामो समयदेखि जोडिएको संगठनात्मक यात्रालाई पार्टीको मूल संरचनामा विस्तार गर्ने प्रयास हो।

‘सक्षम संगठन, सशक्त कांग्रेस र लोकतान्त्रिक मूल्यको संरक्षण’लाई आफ्नो प्राथमिकता बताउने लम्साल केन्द्रीय सदस्यमा निर्वाचित भए प्रेस स्वतन्त्रता र पेशागत क्षेत्रका मुद्दालाई पार्टीको नीतिनिर्माणमा प्रभावकारी रूपमा उठाउने बताउँछन्। विद्यार्थी राजनीतिबाट सुरु भएको उनको यात्रा अब कांग्रेसको केन्द्रीय नेतृत्वमा कस्तो परिणाम दिन्छ भन्ने चासो महाधिवेशनसँगै बढेको छ।

Read more

समाजसेवाको स्वर्णिम उदाहरण : लायन्स क्लबले बनायो आरोग्य भवन

पोखरा । सामाजिक सेवामा समर्पित लायन्स क्लब अफ पोखराले मानवीय सेवाको क्षेत्रमा अर्को महत्वपूर्ण योगदान दिएको छ । क्लबको २५ लाख रुपैयाँ आर्थिक सहयोगमा विन्ध्यवासिनी प्राकृतिक चिकित्सालयमा निर्माण…

नेपाली जनसम्पर्क समिति क्यानडाको संयोजकमा टोष्टराज कार्की ‘बसन्त’ मनोनीत

काठमाडौं । नेपाली कांग्रेसको १५औँ केन्द्रीय महाधिवेशन तयारी समितिले नेपाली जनसम्पर्क समिति क्यानडाको संयोजकमा टोष्टराज कार्की (वसन्त कार्की) लाई मनोनयन गरेको छ। महाधिवेशन तयारी समितिका संयोजक प्रा. डा.…

डिएलए नेपालको कार्यवाहक अध्यक्षमा वरिष्ठ अधिवक्ता जगन्नाथ ढकाल

काठमाडौं । नेपाल डेमोक्रेटिक लयर्स एसोसिएसन (डिएलए–नेपाल) को कार्यवाहक अध्यक्षको जिम्मेवारी वरिष्ठ उपाध्यक्ष तथा वरिष्ठ अधिवक्ता जगन्नाथ ढकाललाई दिइएको छ। संस्थाका अध्यक्ष वरिष्ठ अधिवक्ता सीताराम के.सी.ले २०८३ कात्तिक…

पोखरामै वैदेशिक रोजगारीमा जाने श्रमिकको स्वास्थ्य परीक्षण, काठमाडौं धाउनुपर्ने बाध्यता हट्यो

पोखरा । वैदेशिक रोजगारीमा जाने पोखरा तथा आसपासका जिल्लाका युवाले स्वास्थ्य परीक्षणका लागि काठमाडौं धाउनुपर्ने बाध्यता हट्ने भएको छ। पोखरा स्वास्थ्य विज्ञान प्रतिष्ठानअन्तर्गत पश्चिमाञ्चल क्षेत्रीय अस्पतालले वैदेशिक रोजगारीमा…

‘खोइ किसुनजीको सादगी, गणेशमानको त्याग ?’ पूर्ण तिमिल्सिनाको कांग्रेस नेतृत्वलाई प्रश्न

पोखरा । नेपाली कांग्रेसको संगठनात्मक गतिविधि, नेतृत्वको कार्यशैली र आमकार्यकर्तासँगको सम्बन्धलाई लिएर पार्टीभित्रै असन्तुष्टिका स्वर सुनिन थालेका छन्। पार्टी सुधारको बहस चलिरहेका बेला नेपाली कांग्रेसका महासमिति सदस्य तथा…

कांग्रेसको छवि नेताकार्यकर्ताको व्यवहारबाटै बन्ने हो : महामन्त्री पौडेल

नागरिकसँग जिम्मेवार, मर्यादित र जनमैत्री व्यवहार गर्न पार्टीका नेता–कार्यकर्तालाई निर्देशन पोखरा । नेपाली कांग्रेसका महामन्त्री प्रदीप पौडेलले पार्टीको जिम्मेवारीमा रहेका नेता तथा कार्यकर्ताको व्यवहारले नै कांग्रेसको समग्र छवि…