अन्तरराष्ट्रिय बाल दिवसको अवसरमा शैक्षिक सामग्री बितरण
भिमाद, ५ मंसिर
बाबा फ़ाउण्डेशन नेपालले अन्तरराष्ट्रिय बाल दिवसको अवसरमा बिधालयमा बाल कार्यक्रम गरी मनाएको छ । तनहुँको भिमादनगरपालिका–२, टेक्रे स्थित बाल बिकास माध्यमिक विद्यालयमा शनिवार अन्तरराष्ट्रिय बाल दिवस सम्बन्धी विभिन्न कार्यक्रमहरुसञ्चालन गरि मनाएको हो ।
कार्यक्रममा ‘हरेक बच्चाको लागि राम्रो भविष्य’ भन्ने अन्तरराष्ट्रिय नाराका साथ प्रत्येक बालबालिकाको उज्जल भविश्यनै समृद्धनेपालको आधार बन्न सक्ने कुरामा जोड दिईएको थियो ।
सो अवसरमा बाबा फ़ाउण्डेशन नेपालका अध्यक्ष दिलीपराज श्रेष्ठले अति विपन्न, गरिब तथा जेहनदार छात्राछात्रलाई शैक्षिक सामग्रीहस्तान्त्रण गरेका थिए । बिधालयमा अध्ययन गर्ने अति विपन्न, गरिब तथा जेहनदार छात्राछात्रलाई करिव एक लाख २५ हज़ार मूल्यबराबरको शैक्षिक सामग्री हस्तान्त्रण गरेको कार्यक्रम संयोजक एवं बाबा फ़ाउण्डेशन नेपालका सचिव टंकराज अधिकारीले जानकारीदिएका छन् ।
वितरण गरिएको शैक्षिक सामग्रीमा १०२ दर्जन कापी सहित पेन्सिल, सार्पनर, इलेज़र, स्केल, ज्यामिति बक्स, बलपेन, भलिवल, बालमनोविज्ञानका पुस्तकहरू ‘मलाई बुझ्नुस’ र ‘चेतना भाग ५’ लगाएतका रहेका थिए ।
अध्यक्ष श्रेष्ठले फ़ाउण्डेशन मार्फ़त बालबालिकाको अधिकारको वकालत गर्न, प्रवर्द्धन गर्न बालअधिकार पूर्ण सुनिश्चितताका लागिआफूहरु लागि परेको बताए । श्रेष्ठले हामी प्रत्येकले बालबालिकाको अधिकारलाई बढावा दिन, बालबालिकाका लागि राम्रो संसारनिर्माण गरि यी कोपिलाहरुको कल्याणका लागि उपयुक्त वातावरण सिर्जना गर्ने सम्बन्धि समाजमा जागरुकता फैलाउने काम गर्नु पर्नेमाजोड दिएका थिए ।
बिधालय व्यवस्थापन समितिका अध्यक्ष इमानसिं थापा, सहायक प्रअ योगमाया थापाले बिधालयको गतिबिधी बारे प्रकाश पार्दै प्राप्तशैक्षिक सामग्री लक्षित बिधार्थीलाई वितरण गरिने बताए ।
© कपीराईट–यस पोष्टमा प्रकाशित समाचार या लेख सर्वाधिकार सुरक्षीत छ । यहाँ प्रकाशित समाचार हुबहु कसैले
जानकारी विना साभार गरेको पाइएमा कानुनी कार्वाही गर्न बाध्य हुनेछौ ।
सम्बन्धित खवर
