फोहोर पानी व्यवस्थापनका लागि भारत सरकारद्वारा आर्थिक सहयोग
पोखरा भ्यूज
पोखरा । सोलुखुम्बु जिल्लामा फोहोर पानी व्यवस्थापन परियोजनाका लागि भारत सरकारले ४ करोड ११लाख आर्थिक सहयोग गर्ने भएको छ ।
खुम्जुङ्ग खुन्दे फोहोर पानी व्यवस्थापन परियोजना निर्माणका लागि भारतीय राजदूतावास तथा नेपाल सरकारसंघिय मामिला तथा सामान्य प्रशासन मन्त्रालय एवम् खुम्बु पासाबल्हामु गाउँपालिका बीच एकसमझदारीपत्रमा हस्ताक्षर सम्पन्न भएको छ ।
भारत–नेपाल विकास सहकार्य अन्तर्गत भारत सरकारको करिब ४ करोड ११ लाख आर्थिक सहयोगमा यससामुदायिक विकास परियोजनाको निर्माण हुने जनाईएको छ ।
यस परियोजनाको निर्माणले सोलुखुम्बुको खुम्जुङ्ग गाउँमा बसोबास गर्ने मानिसहरुको स्वास्थ्य र गुणस्तरीयजीवनमा सुधार ल्याउनुका साथै जनस्वास्थ्यका हिसाबले अत्यन्तै आवश्यक सुरक्षित पानी तथा सरसफाईकोव्यवस्था गर्नेछ ।
नेपालका सातैवटा प्रदेशमा विशेष गरी तल्लो तहमा स्वास्थ्य, शिक्षा, खानेपानी, कनेक्टिभिटी, सरसफाई तथाअन्य सार्वजनिक संरचनाहरुको निमार्ण जस्ता विविध क्षेत्रहरुमा सन् २००३ यता भारतले ५२३ भन्दा बढी उच्चप्रभाव सामुदायिक विकास परियोजनाहरु अघि बढाइसकेको छ भने ४६७ वटा परियोजनाहरु सम्पन्नगरिसकेको छ । त्यसमध्ये सोलुखुम्बु जिल्लामा २ परियोजनासहित प्रदेश १ मा ७८ वटा परियोजनाहरुलाईअघि बढाइएको छ ।
नजिकको छिमेकी भएको नाताले भारत र नेपालबीच व्यापक तथा बहुक्षेत्रीय सहकार्य रहेको छ । यसपरियोजनाको कार्यान्वयनले नेपाली जनताको समुन्नितका लागि नेपाल सरकारले चालेका प्रयासमा भारतसरकार सदैव हातेमालो गर्न तयार रहेको कुरा जनाईएको छ ।
सम्बन्धित खवर
