महादेव गुरूङले पाए पुतली चिन्ह
पोखरा । मंसिर ४ गते हुने प्रतिनिधिसभा र प्रदेश सभा निर्वाचनका लागि कास्की क्षेत्र नम्बर–२ का स्वतन्त्र उम्मेदवार महादेव गुरूङले पुतली चिन्ह पाएका छन् । प्रतिनिधि सभा सदस्यमा बागी उम्मेदवारी दिएका गुरुङलाई मुख्य निर्वाचन अधिकृतको कार्यालयले पुतली चुनाव चिन्ह प्रदान गरेको हो ।
स्वतन्त्र रुपमा उम्मेदवारी दिएका नेपाली कांग्रेसका पुराना नेता गुरुङले गठबन्धनका उम्मेदवार श्रीनाथ बरालविरुद्ध उम्मेदवारी दर्ता गराएका थिए ।
निर्वाचन आयोगले आज बिहान १० बजेबाट १ बजेसम्म उम्मेदवारी फिर्ताको समय राखेको भए पनि उनले उम्मेदवारी कायमै राखे ।
अहिलेको अवस्थाका गठबन्धनका नाममा नेपाली कांग्रेसको नीति र सिद्धान्तलाई तिलाञ्जली दिएकै कारणआफूले उम्मेदवारी दिएको गुरुङले बताउँदै आएका छन् । उम्मेदवारी फिर्ता लिन सभापति शेरबहादुर देउवाले आग्रह गरे पनि आफूले इन्कार गरेको उनको प्रतिक्रिया थियो । कास्की जिविस पूर्व सभापति उनी प्रतिनिधि सभामा विजयी भएर राज्यमन्त्री पनि भइसकेका व्यक्ति हुन् ।
सम्बन्धित खवर
