सेकोनको १३औं अधिवेशन सम्पन्न, अध्यक्षमा गुरूङ
पोखरा । सोसाइटी अफ इन्जिनियरिङ्ग कन्सल्टेन्सीज् (सेकोन) पोखराको २५ औं बार्षिक साधारणसभा तथा १३औं अधिवेशन सम्पन्न भएको छ ।
शनिवार सम्पन्न अधिवेशनले आगामी दुई बर्षे कार्यकालको लागि ई.किसान सिंह गुरुङको अध्यक्षतामा १२ सदस्यीय नयाँ कार्यसमिति निर्विरोध निर्वाचित गरेको छ । समितिको उपाध्यक्षमा ई.हरि प्रसाद अधिकारी, सचिव ई.आनन्दप्रसाद सापकोटा, सह– सचिवमा ई.ध्रुव गर्बुजा पुन र कोषाध्यक्षमा ई.धर्मराज अधिकारी निर्वाचित भएका छन्।
यसैगरी सदस्यहरूमा क्रमशः ई.कौशल चन्द्र जि. सी., ई.बिमल भण्डारी, ई.सुजित बिजुक्छे, ई.याम थापा, ई.मोहन सिग्देल, ई.बिरेन्द्र कुमार सिग्देल र ई.किरण राज सिग्देल निर्विरोध निर्वाचन भएको निर्वाचन संयोजक एवं सेकोनका पूर्वअध्यक्ष राजेन्द्र लिगलले जानकारी दिए । निर्वाचन मण्डलमा लिगल सहित ई.आ. बाबुराम बराल र ई. राजेन्द्र प्रजु सदस्य रहेका थिए ।
सोसाइटी अफ इन्जिनियरिङ्ग कन्सल्टेन्सीज् (सेकोन) कास्कीका अध्यक्ष ई.किशोर कुमार श्रेष्ठको अध्यक्षतामा सम्पन्न अधिवेशनमा सचिव ई.हरिप्रसाद अधिकारीले संस्थाको सांगठनिक एवं प्रगति प्रतिबेदन र कोषाध्यक्ष ई.कौशल चन्द्र जि. सी.को आर्थिक प्रतिवेदन सर्वसम्मत पारित गरिएको थियो ।
© कपीराईट–यस पोष्टमा प्रकाशित समाचार या लेख सर्वाधिकार सुरक्षीत छ । यहाँ प्रकाशित समाचार हुबहु कसैले
जानकारी विना साभार गरेको पाइएमा कानुनी कार्वाही गर्न बाध्य हुनेछौ ।
