गण्डकी प्रदेशको नयाँ मुख्यमन्त्रीमा कांग्रेस नेता सुरेन्द्र राज पाण्डे नियुक्त
कास्की । गण्डकी प्रदेशको नयाँ मुख्यमन्त्रीमा कांग्रेस नेता सुरेन्द्र राज पाण्डे नियुक्त भएका छन् । प्रदेश प्रमुखपृथ्वीमान गुरुङले पाण्डेलाई मुख्यमन्त्री नियुक्त गरेका हुन् । पाण्डेले आजै प्रदेश प्रमुख समक्ष बहुमत सहितमुख्यमन्त्रीमा दाबी पेस गरेका थिए ।
पाण्डेलाई कांग्रेसको २७, माओवादीको ७ र १ स्वतन्त्र सहित ३५ सांसदको समर्थन छ ।
गण्डकीको नेतृत्वमा माओवादीको समेत दाबी थियो । तर केन्द्रबाट नै पहिलो कार्यकाल कांग्रेसले नेतृत्व गर्नेनिर्णय पठाएपछिमाओवादिले कांग्रेसका पाण्डेलाई समर्थनको हस्ताक्षर बुझाएका हुन् । माओवादीबाट दलकानेता हरिबहादुर चुमानले मुख्यमन्त्री दाबी गरेका थिए ।
यसअघि खगराज अधिकारी नेतृत्वको सरकार १०५ दिनमै ढलेको हो ।
को हुन, सुरेन्द्रराज पाण्डे ?
नेपाली कांग्रेसका केन्द्रिय सदस्य एवं नेपाली कांग्रेस गण्डकी प्रदेश संसदिय दलका नेता हुन ।पाण्डेको लोकतान्त्रीक आन्दोलनमा निरन्तर योगदान रहंदै आएको छ ।
पिता कृष्णराज र आमा योगेन्द्रकुमारीको कोखबाट २०२१ भदौ ९ गते जन्मिएका पाण्डे विद्यार्थीकालदेखि नेपाली कांग्रेसको भातृसंस्था नेविसंघमा आवद्ध थिए ।
२०३७ सालमा अमरज्योती जनता मावि बाट एसएलसी, त्रिभुवन बिश्व बिद्यालबाट स्नातक गरेका पाण्डे सालिन, इमान्दार, प्रखर बक्ता र नतिजामा बिश्वास गर्ने नेताको रुप परिचित छन ।
राजनितिक संघर्षका क्रममा २०४५ साल, शाही शासन २०६१ सालमा गरी आठ महिना भन्दा बढी समय जेल जिवन बिताएका पाण्डे पटक पटक लोकतान्त्रीक आन्दोलनको क्रममा हिरासत समेत परे ।
२०३६ सालमा ने वि संघको सदस्यता लिएर विद्यार्थी आन्दोलनमा होमिएका पाण्डे २०३९ सालमा नेबिसघ अस्कल इकाइ सचिब हुँदै २०४५सालमा त्रिचन्द्र क्याम्पस का स्ववियु सभापती निर्वाचित भए ।
२०४९मा ने वि संघको केन्द्रीय सदस्य समेत भएका पाण्डे २०५९ मा नेपाल तरुण दलको महासचिव बने ।
हाल तेस्रो पटक नेपाली कांग्रेस का केन्द्रिय सद्स्य बनेका पाण्डे २०७४ साल मा राष्ट्रिय सभामा सांसद रही नेपाली कांग्रेसको तर्फ बाट प्रमुख प्रतिपक्ष दल को नेता बने ।
राष्ट्रिय सभामा रहदा प्रतिपक्ष दलका नेताको बलियो र प्रभावशाली भुमिका निर्वाह गरेका उनको कामको पार्टी भित्र र बाहिर पनि प्रशंसा भएको थियो ।
गोरखा क्षेत्र नम्बर २ मा संघिय क्षेत्रमा एकल सिफारिस भएका पाण्डे कांग्रेस र माओवादीको चुनावी तालमेल र माओवादी अध्यक्ष पुष्पकमल दाहाल प्रचण्ड गोरखा आउने भएपछि मुख्यमन्त्री बनाउने शिर्ष नेताको योजनामै गोरखा क्षेत्र नम्बर २ को प्रदेश सभा २ मा चुनाव लडेका थिए ।
गोरखामा उनी बिवाद रहित, सबैलाई समान ब्यवाहार गर्ने, कार्यकर्तासँगै जनताको पनि कुरा सुन्ने, जिल्लाको बिकास निर्माण, योजनाका बारेमा केन्द्रिय स्तरमा दाबाब दिने, बिकास र समृद्धीमा राजनीतिक प्रतिसोधन नराख्ने, अन्य राजनीतिक दलका नेतासँग पनि समाभाव कायम गर्न सक्ने प्रभावशाली नेताका रुपमा परिचित छन् ।
© कपीराईट–यस पोष्टमा प्रकाशित समाचार या लेख सर्वाधिकार सुरक्षीत छ । यहाँ प्रकाशित समाचार हुबहु कसैले
जानकारी विना साभार गरेको पाइएमा कानुनी कार्वाही गर्न बाध्य हुनेछौ ।
सम्बन्धित खवर
