फेवा किनारमा ‘नेपाल–चीन फ्रेन्डसिप ड्र्यागन बोट रेस फेस्टिभल’ सुरु
पोखरा भ्यूज
पोखरा, ८ असार । पोखराको फेवातालमा दुईदिने ‘नेपाल–चीन फ्रेन्डसिप ड्र्यागन बोट रेस फेस्टिभल’ सुरु भएको छ ।
नेपालस्थित चिनियाँ राजदूतावास, पोखरा महानगरपालिका, नेपाल पर्यटन बोर्ड, पोखरा पर्यटन परिषद् र चाइनिज ओभरसिज एसोसिएसन अफ पोखराको संयुक्त आयोजनामा फेवातालको किनारमा दुई दिने महोत्सव आयोजना गरिएको हो ।
महोत्सवको संस्कृति, पर्यटन तथा नागरिक उड्डयनमन्त्री सुदन किराती र नेपालका लागि चिनियाँ राजदूत चेनसोङले संयुक्त रुपमा उद्घाटन गरेका हुन् ।
महोत्सवमा आठ टोलीले ड्रागन बोट रेस प्रतियोगितामा सहभागिता जनाएका छन् । सहभागी खेलाडीले २०० मिटर र ५०० मिटर दौडमा प्रतिस्पर्धा गर्दै नगद पुरस्कार, मेडल, ट्रफी र प्रमाणपत्र प्राप्त गर्नेछन् । प्रथम स्थान प्राप्त गर्नेले ३० लाख पुरस्कार पाउँने छन् । ड्र्यागन बोट रेस ५० भन्दा बढी देशमा आयोजना भई एसियाली खेलकुदमा पहिलोपटक प्रवेश गरेको हो ।
उद्घाटन समारोहमा मन्त्री किराती, चिनियाँ राजदूत चेन सोङ, एनटीबीका प्रमुख कार्यकारी अधिकृत धनञ्जयरेग्मी, पोखरा महानगरपालिकाका मेयर धनराज आचार्य, पोखरा पर्यटन परिषद्का अध्यक्ष पोमनारायण श्रेष्ठलेआ–आफ्नो धारणा राखेका थिए ।