पोखरा भ्यूज
९ भदौ, काठमाडौं । भक्तपुरको सानोठिमीस्थित बालसुधार गृहमा हुलहुज्जत गर्ने ५७ जनालाई उपत्यका बाहिर स्थानान्तरण गरिएको छ । कारागार विभागले सुधार गृहको विवाद समाधान गर्न उनीहरुलाई अन्यत्र स्थानान्तरण गरेको हो ।
जिल्ला प्रशासन कार्यालय भक्तपुरको सिफारिसमा विभागले सुधार गृह पर्सामा १८ जना, मकवानपुरमा १८, डोटीमा ७ र रुपन्देहीमा १४ जनालाई स्थानान्तरण गरेको हो ।
उनीहरु अधिकांश १८ वर्षमाथिका छन् । गत आइतबार २० वर्षीय एक युवकको उपचारका क्रममा मृत्यु भएपछि सुधार गृहमा रहेकाले विद्रोह गर्ने क्रममा २ सय २१ जना भागेका थिए । तीमध्ये अझै ७ जना फरार छन् ।
