शारीरिक अपाङगता भएका गुरूङलाई सहयोग
पोखरा भ्यूज
पोखरा । धादिङको निलकण्ठ गाउँपालिका–२ सिम्लेका शारीरिक अपाङगता भएका जितबहादुर गुरूङलाई आर्थिक सहयोग तथा राहत सामाग्री हस्तान्तरण गरिएको छ । असक्षमता अन्तर्राष्ट्रिय एकता फाउन्डेशन, ब्रुग बेल्जियम (DISOF) को आर्थिक सहयोगमा लायन्स क्लब अफ पोखरा बाराही टाउनको समन्वयमा शनिवार शारीरिक अपाङगता भएका गुरूङलाई नगद सहित खाध्यान्न र लत्ता कपडा हस्तान्तरण गरिएको हो ।
डिआईएसओएफ बेल्जियमका अध्यक्ष डिल्ली सुब्बा, उपाध्यक्ष कृष्ण पुन र कोषाध्यक्ष निर्मला परियारलगाएतले पठाएको नगद ५० हजार लायन्स क्लब अफ पोखरा बाराही टाउनबाट खाध्यान्न र लत्ता कपड़ा हिडडुल गर्न नसक्ने अपाङगता भएका एकल जिवन बिताईरहेका गुरूङलाई हस्तान्तरण गरिएको बाराही टाउनका पूर्व अध्यक्ष एवं लायन्स डिष्ट्रिक्ट ३२५ आई नेपालका डिष्ट्रिक्ट एडभाईजर कृष्ण श्रेष्ठ (रोजी) ले बताईन् ।
सो अवसरमा सोही ठाउँका नेत्रहीन डम्बर बहादुर गुरूङ र कृष्णमाया गुरूङलाई क्लबको तर्फबाट खाध्यान्न र लत्ता कपड़ा उपलब्ध गराईएको श्रेष्ठले जानकारी गराईन् ।
क्लबका अध्यक्ष एन्शोभा गुरुङको अध्यक्षतामा सम्पन्न नगद सहित खाध्यान्न र लत्ता कपडा हस्तान्तरण कार्यक्रममा सो कार्यक्रमका संयोजक सरु पाइजा पुन, सचिव मनरुपा थापा, क्लब सदस्य दिपा श्रेष्ठ लगाएतको उपस्थिति रहेको थियो ।
बिशेष गरी अपाङ्गता भएका व्यक्तिलाई आर्थिक सहयोग र हौसला प्रदान गर्दै आएको मानवीय सेवामा सक्रिय असक्षमता अन्तर्राष्ट्रिय एकता फाउन्डेशनले भूकम्प, कोभिड–१९ जस्ता महामारी लगाएत आपत बिपतमा परेका स्वदेश एवं बिदेशमा रहेका सबैलाई सहयोग गर्दै आईरहेको छ ।
सम्बन्धित खवर
