गुटेरेसको स्वागत र सुरक्षाका लागि अन्नपूर्ण बेस क्याम्पमा विषेश तयारी
पोखरा भ्यूज
पोखरा, १२ कात्तिक । नेपाल भ्रमणका रहेका संयुक्त राष्ट्रसंघका महासचिव एन्टोनियो गुटेरेसको स्वागत र सुरक्षाका लागि अन्नपूर्ण बेस क्याम्पमा विषेश तयारी गरिएको छ । गुटेरेस मंगलबार बिहान जलवायु परिवर्तनको असरबारे बुझ्न हेलिकोप्टरबाट अन्नपूर्ण आधार शिविर जाने छन् । त्यहाँ उनले आधा घण्टा बिताउने छन् । मंगलबार नै उनि पोखरा फर्केर लुम्बिनी जाने कार्यक्रम रहेकोछ ।
गुटेरेसको स्वागतका लागि अन्नपूर्ण गाउँपालिकाको तर्फबाट स्थानीय गुरुङ संस्कृति अनुसार स्वागतको तयारी भइरहेको अन्नपूर्ण गाउँ पालिकाकाका प्रवक्ता भरतमान गुरूङले बताए ।
गुटेरेसको भ्रमण साथै कार्यक्रमको तयारी र व्यवस्थापनसँगै स्वागतको लागि अन्नपूर्ण आधार शिविरमा जनप्रतिनिधि र नेपाली सेनाको टोलीसहित नेपाल प्रहरी पुगिसकेको छ ।अन्नपूर्ण गाउँपालिकाका अध्यक्ष विष्णु बहादुर केसी र वडा नं.-११ का वडाध्यक्ष हिम बहादुर गुरुङ सहितको टोली आईतवार नै अन्नपूर्ण बेस क्याम्प पुगिसकेका हुन् ।
नेपाली सेनाको श्री नारायणदल गणका क्याप्टेन बाबरप्रताप शाह नेतृत्वको सेनाको टोली, छोम्रोङ पर्यटन व्यवस्थापन समितिको अध्यक्ष जगनरास गुरुङ नेतृत्वको टोली र कास्की जिल्ला प्रहरी कार्यलयबाट प्रहरी इन्सपेक्टर भुवन बराम नेतृत्वको प्रहरी टोलीले व्यवस्थापनको कार्यसँगै स्वागतको तयारी गरिरहेको अन्नपूर्ण गाउँपालिकाका अध्यक्ष विष्णु बहादुर केसी बताए ।
कास्कीको अन्नपूर्ण गाउँपालिकामा पर्ने अन्नपूर्ण आधार शिविर संसार भर परिचित पदयात्रा पर्यटन गन्तव्यमा रहेको छ ।
आइतवार सुरक्षा निकायले पोखरा विमानस्थलदेखि फिस्टेल लजसम्म गुटेरेसको सुरक्षाको पूर्वाभ्यास गरेका छन् । उनलाई पोखरामा तीनै तहको सरकार र पर्यटन व्यवसायीले सोमवार स्वागत गर्ने तयारी छ । अन्नपूर्ण आधार शिविरमा १ वटा मात्र हेलिप्याड रहेकोमा महासचिवको भ्रमणलाई सहज बनाउन थप २ वटाहेलिप्याड निर्माण गरिएको छ ।
सम्बन्धित खवर
