राष्ट्रिय सभामा नवनिर्वाचित सदस्यले लिए सपथ
पोखरा भ्यूज
२१ फागुन, काठमाडौं । राष्ट्रिय सभाका नवनिर्वाचित १९ जना सांसदहरूले आज शपथ लिएका छन् । उनीहरुलाई राष्ट्रिय सभाकी उपाध्यक्ष उर्मिला अर्यालले पद तथा गोपनीयताको शपथ गराएकी हुन् ।
शपथ लिएका नवनिर्वाचित सदस्यहरूमा रुकमिणी कोइराला, कृष्णप्रसाद सिटौला, पूजा चौधरी, आनन्दप्रसाद ढुंगाना, विष्णुदेवी पुडासैनी, जितजङ्ग बस्नेत, मनरुपा शर्मा, पदमबहादुर परियार, किरणबाबु श्रेष्ठ, विष्णुकुमारी सापकोटा, झक्कुप्रसाद सुवेदी, सावित्री मल्ल, विष्णुबहादुर विश्वकर्मा, कृष्णबहादुर रोकाय, रेनु चन्द, नारायणदत्ता भट्ट र बलदेव बोहरा छन् ।
आइतबार मात्रै राष्ट्रिय सभाका अध्यक्ष गणेशप्रसाद तिमिल्सिनासहित ६ वर्षे कार्यकाल सकिएका २० जना सांसदलाई बिदाइ गरिएको थियो । रिक्त २० जनाको पदमध्ये १९ जना गत माघ ११ गतेको सम्पन्न निर्वाचनबाट निर्वाचित भएका थिए । एक जना भने मन्त्रिपरिषदको सिफारिसमा राष्ट्रपतिबाट नियुक्त हुन बाँकी छ । हाल राष्ट्रिय सभामा माओवादी केन्द्र सबैभन्दा ठूलो दल बनेको छ ।
सम्बन्धित खवर
