पोखरा । पोखरा महानगरपालिकाका प्रमुख धनराज आचार्यले ‘शताब्दीमा लायन्स’ पुस्तक लायन्स इतिहासको दस्ताबेज रहेको बताएका छन् । लायन्स अन्तर्राष्ट्रिय डिष्ट्रिक्ट ३२५ आई नेपालको लायन बर्ष २०२४/२५ का लागि मनोनित डिष्ट्रिक्ट पदाधिकारीको प्रशिक्षण कार्यक्रमको समापन अवसरमा की-नोट स्पिकर प्रमुख आचार्यले उक्त कुरा बताएका हुन् ।
लायन्सका पूर्व डिष्ट्रिक्ट गभर्नर समेत रहेका प्रमुख आचार्यले ‘शताब्दीमा लायन्स’ पुस्तकमा लायन्सको स्थापनादेखि हालसम्मका सम्पूर्ण गतिविधि समावेश गरिएको बताए । लायन्स अन्तर्राष्ट्रिय स्थापनाको सयवर्ष पुग्दा आफू गभर्नर भएको स्मरण गर्दै आचार्यले सोही अवसरमा पुस्तक प्रकाशन गरेको पनि बताए ।
लायन्सबारे धेरै अध्ययन गरेर पुस्तक बजारमा ल्याएको बताउँदै आचार्यले लायन्स एवं ग़ैर लायन्स आम पाठकलाई उक्त पुस्तक निकै उपयोगी हुने विश्वास व्यक्त गर्दै साढ़े दुईवर्षसम्म अध्ययन गरेर पुस्तकको सामग्री जुटाएको जानकारी दिए ।
उनले भने ‘पुस्तक लेख्नुभन्दा पहिला करिब ४ सय जनासँग प्रत्यक्ष भेटघाट तथा संवाद गरेर लायन्सका विभिन्न पक्ष समावेश गरेर प्रकाशित गरिएको पुस्तक इतिहासको दस्ताबेज भएको र लायन्सलाई अध्ययन गर्न पुस्तकले पुरा गरेको धारणा राखे ।
