पोलियोमाईलाईटिस विरुद्धको खोप अभियान सञ्चालन गरिने
पोखरा । पोलियो भाइरसबाट हुने सङ्क्रामक रोग पोलियोमाईलाईटिस विरुद्धको खोप अभियान २०८१ सञ्चालन गरिने भएको छ । यो अभियान राष्ट्रिय रूपमा यही जेठ १३ गतदेखि २६ गतेसम्म देशभर एकैसाथ सञ्चालन गरिने छ ।
अभियानमा २०७३ साल वैशाख देखि २०७५ साल आश्विन सम्म जन्मिएका बालकालिकाहरुलाई लक्षित गरिएको छ । यस अवधिमा जन्मिएका १४ लाख ६२ हजार ७१२ लाई पोलियोमाईलाईटिस विरुद्धको खोप लगाउने लक्ष्य लिइएको छ । त्यस अवधिमा खोप आपूर्ति नभएपछि छुट भएका यी बालबालिकाहरूलाई खोप लगाउने लक्ष्य लिइएको हो ।
विश्वव्यापी रूपमा सन् २०२६ सम्म विश्वबाट नै पोलियो उन्मुलन गर्ने लक्ष्य लिइएको छ । नेपालमा सन् २०१० पछि पोलियोको सङ्क्रमण देखिएको छैन ।
अभियानका क्रममा पोखरा महानगरपालिकाका २७ हजार ५ सय बालबालिकाहरूलाई खोप लगाइने छ । महानगरका खोपकेन्द्रहरु (४१३ विद्यालय) मा ४६० बढी स्वास्थ्यकर्मीहरू परिचालन गरिनेछ ।
सम्बन्धित खवर
