सर्वोच्चले भन्यो- “४८ घण्टाभित्र पाण्डेलाई मुख्यमन्त्री नियुक्त गर्नू”
पोखरा भ्यूज
१४ जेठ, पोखरा । सर्वोच्च अदालतले ४८ घण्टाभित्र गण्डकी प्रदेशको मुख्यमन्त्रीमा नेपाली कांग्रेस नेता सुरेन्द्रराज पाण्डेलाई नेपालको संविधान धारा १६८(३) बमोजिम नियुक्त गर्न परमादेश दिएको छ ।
न्यायाधीश कुमार रेग्मी र सुनिल कुमार पोखरेलको संयुक्त इजलाशले यस्तो आदेश दिएको हो । सर्वोच्चले सभामुख कृष्ण धितालले मुख्यमन्त्री खगराज अधिकारीले ६० सदस्यीय प्रदेशसभामा ३० सांसदकै समर्थनमा विश्वासको मत पाएको भनी गरेको घोषणालाई असंवैधानिक भनेको छ । सर्वोच्चको फैसले मुख्यमन्त्री अधिकारी पदमुक्त भएका छन् ।
‘६० सदस्यीय गण्डकी प्रदेशसभामा बहुमतका लागि न्यूनतम ३१ सदस्यको आवश्यकता पर्नेमा ३० सदस्यकै समर्थनमा प्रस्ताव बहुमतबाट पास भएको भनी प्रदेशसभाका सभामुखबाट भएको घोषणा नेपालको संविधानको धारा १८८ को उपधारा ३ विपरीत रहेको हुँदा गण्डकी प्रदेशसभामा मुख्यमन्त्री खगराज अधिकारीले पेश गर्नुभएको विश्वासको मत बहुमतले पास भएको भनी गण्डकी प्रदेशसभाका सभामुखबाट २०८१।०१।२३ मा भएको घोषणा उत्प्रेषणको आदेशले बदर गरिदिएको छ’, सर्वोच्चले सोमबार सार्वजनिक गरेको संक्षिप्त फैसलामा उल्लेख गरिएको छ ।
सम्बन्धित खवर
