टिकटकमाथिको प्रतिबन्ध फुकुवा
पोखरा भ्यूज
काठमाडौं । सरकाले समाजिक सञ्जाल टिकटकमाथि लगाएको प्रतिबन्ध फुवा गरेको छ । विहीबार बसेको मन्त्रिपरिषद् बैठकले टिकटकमाथिको प्रतिबन्ध फुकुवा गर्ने निर्णय गरेपछि करिब १० महिना अघिदेखि बन्द रहेको टिकटक खुलेको हो ।
यसअघि पुष्पकमल दाहाल प्रचण्ड नेतृत्वको सरकारले २७ कात्तिक २०८० मा टिकटकमा प्रतिबन्ध लगाउने निर्णय गरेको थियो । सञ्चार तथा सूचना प्रविधिमन्त्री पृथ्वीसुब्बा गुरुङका अनुसार टिकटक कम्पनीलाई तीन महिनाभित्र नेपाल सरकारले दिएका सर्तहरू पूरा गर्न भनिएको छ ।
टिकटक कम्पनीले यसअघि नेपाल सरकारलाई प्रतिबन्ध फुकुवा गरी दिन पटकपटक अनुरोध गर्दै आएको थियो । टिकटकको प्यारेन्ट कम्पनी बाइटडान्सले प्रतिबन्ध फुकुवा गरिदिन र आफू नेपालको कानुनबमोजिम चल्न तयार रहेको भन्दै पत्र बुझाएसँगै सरकारले प्रतिबन्ध हटाएको हो । टिकटक प्रतिबन्धविरुद्ध सर्वोच्चमा १४ वटा छुट्टाछुट्टै रिट दायर भएका थिए ।
