पोखरा भ्यूज
पोखरा । लायन्स क्लब अफ पोखरा फरक अभियानको पाँचौ चार्टर नाइट एवं पोखरा युथको चार्टर हस्तान्तरण कार्यक्रम सम्पन्न भएकोछ । मंगलवार एस.आर.के.सी. बेन्कुईट माटेपानीमा सम्पन्न कार्यक्रममा फरक अभियानको पाँचौं चार्टर नाइट र सो क्लबद्वारा स्पोन्सरमा गठन गरिएको नयाँ क्लब लायन्स क्लब अफ पोखरा युथको चार्टर हस्तान्तरण कार्यक्रम सम्पन्न गरिएको हो । नयाँ क्लब लायन्स क्लब अफ पोखरा युथमा सुवर्णराज पन्त संस्थापक अध्यक्ष रहेका छन् ।
क्लबका अध्यक्ष लियो लायन आदर्शमोहन भट्टराईको अध्यक्षता लायन्स डिष्ट्रिक्ट ३२५ आई नेपालका डिष्ट्रिक्ट गभर्नर बिनोद ढुंगानाको प्रमुख आतिथ्यतामा सम्पन्न कार्यक्रममा डिष्ट्रिक्ट चिफ एडभाईजर शैलेन्द्रमोहन भट्टराई, डिष्ट्रिक्ट सेक्रेटरियट एडमिनिट्रेटर हरिराज पन्त, डिष्ट्रिक्ट फ़ाईनान्सियल एडमिनिट्रेटर सूर्यनारायण बराल, डिष्ट्रिक्ट को–चिफ एडभाईजर ऋषि गिरी, डिष्ट्रिक्ट एक्जुकेटिभद्वय युवराज खनाल र टंकराज अधिकारी, क्लस्टर चिफ बिष्णु श्रेष्ठ, रिजन चेयरपर्सन कृष्ण कुमार श्रेष्ठलगाएतको उपस्थिति रहेको थियो ।
कार्यक्रममा डिष्ट्रिक्ट गभर्नर बिनोद ढुंगानाले हामी सेवा गर्छौ भन्ने उदेश्यले स्थापना भएका लायन्स क्लबले सुशासन पारदर्शी कायम गर्दै समाजमा विविध काम गर्दै आएको बताए । उनले लायन्स क्लब अन्तर्राष्ट्रिय सामाजिक संस्था रहेको बताउदै नयाँ चार्टर क्लबका सदस्यहरूलाई लायन्सले समाज परिवर्तनमा पारेको प्रभावका बारेमा प्रकाश पारेका थिए ।
गभर्नर ढुंगानाले पोखरा फरक अभियान क्लबले पाँच बर्षको अवधिमा पुऱ्याएको सेवाहरुको चर्चा गर्दै आगामी दिनमा सेवालाई अझ बढ़ाएर लैजान प्रेरित गर्दै स्थायी प्रोजेक्टमाथि केन्द्रित गरेर कार्य गर्न सूझाएका थिए ।
क्लबका सचिव बिजय खनालको संचालन रहेको कार्यक्रममा डिष्ट्रिक्ट चिफ एडभाईजर शैलेन्द्र मोहन भट्टराई, क्लस्टर चिफ विष्णु श्रेष्ठ, क्लबका संस्थापक उपाध्यक्ष एवं पूर्व अध्यक्ष राजेन्द्र बराल, क्लबका निवर्तमान अध्यक्ष एवं जोन चेयरपर्सन हरिहर पराजुली, पोखरा युथका संस्थापक अध्यक्ष सुवर्ण राज पन्त, क्लबका सदस्य राजन बाबु ढुंगानालगाएतले आ–आफ्नो भनाई राखेका थिए ।
